Princino Delphine de Belgio

El Vikipedio, la libera enciklopedio
Salti al navigilo Salti al serĉilo
Princino Delphine de Belgio
Delphine Boël.jpg
Persona informo
Naskonomo Delphine Michèle Anne Marie Ghislaine Boël
Naskiĝo 22-an de februaro 1968 (1968-02-22) (52-jara)
en Uccle
Lingvoj franca lingvoangla lingvo
Ŝtataneco Belgio
Alma mater Institut Le Rosey • Chelsea College of Art and Design
Familio
Patro Alberto la 2-a de Belgio
Patrino baronino Sybille de Selys-Longchamps
Frat(in)oj Filipo la 1-a de Belgio • Princess Astrid of Belgium, Archduchess of Austria-Este • Prince Laurent of Belgium
Infanoj Princess Joséphine of Belgium • Prince Oscar of Belgium
Okupo
Okupo skulptisto
TTT
Retejo https://www.delphineboel.com/index.php
Information icon.svg
vdr

Princino Delphine de Belgio (Delphine Michèle Anne Marie Ghislaine de Saxe-Cobourg; naskiĝis la 22-an de februaro 1968 en Bruselo[1]), artista nomo Delphine, ankaŭ antaŭe konata kiel Delphine Boël, estas belga pentristino kaj skulptistino, plastika kaj multmedia artistino.

Artista laboro[redakti | redakti fonton]

Ŝi studis ĉe la arta kolegio Chelsea School of Arts and Design, universitato de Londono. Ŝi kreskis en Londono kaj laboris tie kiel artisto ĝis 2003. Tiun jaron ŝi transloĝiĝis al Bruselo.

Tekst-arto kun mesaĝo[redakti | redakti fonton]

Ŝiaj pentraĵoj regule enhavas tekst-arton: vortoj, vortludoj kaj poezio okupas okulfrapan lokon en ŝia arto, samkiel neono, uzata pro ĝia vida forto kaj ĝia pureco[2]. Ŝi faras ankaŭ arton kun filozofiaj mesaĝoj, ankaŭ en formo de portebla modo: silkaj ŝaloj ("Statement shawls") menciantaj "Love" aŭ "Life can be beautiful and it can be awful. Life can be full of suprises and full of crises… Life can not be put on hold and it can not be controlled")[3][4] aŭ sur murspegula glaco ekzemple tekstanta "You can't change the truth but the truth can change you" (Vi ne povas ŝanĝi la veron, sed la vero povas ŝanĝi vin)[5]. Dum ekspozicio en Belgio (2020) ŝi parolas pri ŝia arto[6] kiu volas doni esperon al homoj, por neniam rezigni ("Never give up").

Delphine Boël kreas verkojn, en kiuj ŝi luktas kontraŭ hipokriteco kaj konvencioj, starigante demandojn pri identeco[7]. Kvankam ŝi pasigis 30 jarojn de sia vivo en Londono, la spirito de siaj artaĵoj restas esence belga: tre individuisma, briletanta de vivoĝojo kaj ne prenante sin mem tro serioza. En sia laboro ŝi ne evitas la grandajn vivodemandojn nek la konfrontiĝon kun si mem, la batalon kontraŭ ekskludo de homoj. Iuj titoloj de ŝiaj verkoj atestas pri tio kiel Blua Ĉielo, Malicaj Onidiroj; Vero liberigas; La Fonto de Identeco; La Fuĝo el Realeco

La arto de Delphine Boël estas humura kaj estetika metamorfozo de temoj kiel amo, potenco, sed ankaŭ la sufero trudita de la vivo. Vortoj kompletigas kaj donas novan signifon al la videbla. Humoro kaj arto helpas en tio.

Ŝiaj pentraĵoj kaj skulptaĵoj en brilaj koloraj tonoj mezuras pli altaj ol la artistino kaj la publiko. Ŝi ankaŭ multe laboras kun 'papier mâché', materialo bazita sur papero kaj gluo.

Persone[redakti | redakti fonton]

Delphine Boël vivis ĝis 2004 en Londono kaj samjare transloĝiĝis al Belgio. Ŝi edziniĝis kun Jim O'Hare kun kiu ŝi havis du infanojn.

Antaŭ la 1-a de oktobro 2020, ŝi apartenis al la belga nobelaro kaj estis laŭleĝe damo Boël. Je tiu dato, ŝi ricevis la titolon de Princino de Belgio kun la predikato “Ŝia Reĝa Alteco” kaj estas membro de la belga reĝa familio.

Ŝi estas la ekstergeedzeca filino de reĝo Alberto la 2-a de Belgio kun baronino Sybille de Selys-Longchamps kaj la duon-fratino de reĝo Filipo de Belgio. La 27-an de januaro 2020 reĝo Alberto la 2-a de Belgio, post ekzameno de DNA, agnoskis ke Delphine estas lia filino[8]. En oktobro 2020, kortumo en Bruselo konfirmis ke ŝi estas filino de Alberto kaj do princino de Belgio[9].

Literaturo[redakti | redakti fonton]

Eksteraj ligiloj[redakti | redakti fonton]

Referencoj[redakti | redakti fonton]

  1. Boël, Delphine, "Curriculum vitae of Delphine Boël Artist colourist painting, video", arĥivita de la originalo , la 28-an de januaro 2020.
  2. (en) WORDS COLORS &thoughts about life (PDF)
  3. (en) LIFE (bildoj pri la ŝalo)
  4. (en) Delphine "Wearable Art Collection " featured @Marie-Claire Zoute fashion show 2017 Knokke -Zoute, YouTube
  5. Filmeto de la franclingva belga televido, teksto sur spegula glaco je minuto 2:38
  6. (en) Delphine Boël Attitude @ Guy Pieters Gallery Knokke 1, filmeto
  7. (fr) Delphine Boël, Never give up
  8. (fr) Fabien Van Eeckhaut, L'ADN a parlé: Albert II "arrête le combat judiciaire et accepte que Delphine Boël devienne son quatrième enfant", RTBF, la 27-an de januaro 2020.
  9. (de) Gericht macht belgische Künstlerin zur Prinzessin, Süddeutsche Zeitung, la 2-an de oktobro 2020.