Provinco Burgoso

Provinco Burgoso
Provinco
Flago	Blazono
Administra divido de Hispanio [+]
Lando	Hispanio
Ĉefurbo	Burgoso
- koordinatoj	42° N, 4° U (mapo)42.383333333333-3.6666666666667
Plej alta punkto	Pico San Millán [+]
- alteco	2 131 msnm [+]
Plej malalta punkto	Cadagua [+]
- malalteco	160 msnm [+]
Akvokolektejo	14 022 km² (1 402 200 ha) [+]
Areo	14 022 km² (1 402 200 ha) [+]
Loĝantaro	356 055 [+] (2021)
Denseco	25,39 loĝ./km² [+] [+]
Poŝtkodo	09 [+]
ISO 3166-2	ES-BU
Provinco Burgoso (Tero)
Provinco Burgoso (Provinco Burgoso) DEC
Provinco Burgoso
Vikimedia Komunejo:  Province of Burgos [+]
En TTT: Oficiala retejo [+]

Situo de provinco Burgoso en Hispanio.

Burgoso (hispane Burgos) estas la nomo de hispana provinco, ĉirkaŭ la samnoma urbo, kiu estas ties ĉefurbo, en la regiono Kastilio-Leono. Ĝi estas unu el la naŭ provincoj kiuj kunformas tiun regionon.

Ĝenerala priskribo

Rivero Ebro ĉe sia trairo tra la urbo de Miranda de Ebro.

Ĝi limas norde kun Kantabrio, oriente kun Eŭskio, Rioĥo kaj la provinco Sorio, sude kun la provinco Segovio kaj okcidente kun la provincoj Valadolido kaj Palencio. Kun la Provinco Zaragozo, ĝi estas la hispana provinco kiu limas kun plej provincoj (nome ok).

En la provinco estas la historiaj teritorioj kiuj naskis la graflandon Kastilio, kiu poste iĝis Reĝlando Kastilio, siavice la ĉefa komponanto de la estonta Hispanio. Tra la provinco estas la Jakoba Vojo.

La geografia etendo estas de 14 292 km² kaj en 2018 ĝi havis 356 119 loĝantojn.

Ĝi estas la hispana provinco kun plej granda nombro de municipoj, totale 371, grupigitaj aktuale en sep jurisdikciaj partioj: nome de Aranda de Duero, Briviesca, Burgos, Lerma, Miranda de Ebro, Salas de los Infantes kaj Villarcayo. Simile oni povas konsideri dek komarkojn. ​Krom la ĉefurbo, la provinco havas aliajn du municipojn kiuj superas 30 000 loĝantojn: nome Miranda de Ebro kaj Aranda de Duero, kun ioma industria disvolvigo.

La provinco Burgoso estas la 6a de Hispanio en kiu estas plej granda procento de loĝantoj koncentritaj en la provinca ĉefurbo (47,64 %, antaŭ 31,96 % de la hispana totalo).

Jurisdikciaj partioj

Pli detalaj informoj troveblas en artikolo Administraciaj dividaĵoj de la provinco Burgoso.

Estas en la provinco sep partidos judiciales nome la jenaj:

• Partido de Burgos
• Partido de Aranda de Duero
• Partido de Villarcayo
• Partido de Miranda de Ebro
• Partido de Lerma
• Partido de Briviesca
• Partido de Salas de los Infantes

Komarkoj

La provinco Burgoso ne havas oficialan disdividon de komarkoj, pro kio laŭ diversaj kriterioj oni trovas diferencajn komarkigojn. Tial estas naturaj, administraciaj, historiaj kaj agrikulturaj komarkoj.

La provinco Burgoso plej ofte estas konsiderata kiel dividita en dek ĉefaj komarkoj, nome la jenaj:

Mapo de la komarkoj de Burgoso. Las Merindades, norde kaj malhelblue; La Bureba, iom malsupre kaj helverde; Ebro, nordoriente, dupece kaj brunecruĝe; Páramos, nordokcidente kaj brungrize; Odra-Pisuerga, centrokcidente kaj ruĝe; Alfoz de Burgos, centre kaj verde; Montes de Oca, centroriente kaj okre sablokolora; Arlanza, sudokcidente kaj violkolora; Sierra de la Demanda, sudoriente kaj ruĝe; Ribera del Duero, sude kaj bluecverde.

• Komarko Las Merindades: estas komarko kiu okupas la nordan trionon de la provinco Burgoso. Ĝi estas limigita okcidente kaj nordokcidente fare de Kantabrio, nordoriente fare de la provinco Bizkajo, oriente de la provinco Alavo kaj sude de la burgosaj komarkoj Ebro, La Bureba kaj Páramos. La komarka ĉefurbo estas Villarcayo kvankam la plej loĝata municipo estas Medina de Pomar sekvite de Villarcayo, Espinosa de los Monteros, Trespaderne, Frías... Ĝi enhavas 360 submunicipojn.
• Komarko Páramos: nordokcidente de la provinco, konata ankaŭ kiel «Sedano y Las Loras». Ĝi enhavas 55 submunicipojn. La ĉefurbo de tiu komarko estas Sedano.
• Komarko La Bureba: nordoriente de la provinco kaj trafluata de multaj rojoj kiuj enfluas tra la riveroj Homino, Oca kaj Tirón al Ebro. Konsiderata kiel la verdadera esencia de Castilla (vera esenco de Kastilio) kiun Azorín difinis kiel el corazón de la tierra de Burgos (la koro de la tero de Burgoso) estis setlejo de la antikvaj Aŭtrigonoj, kiuj havis sian ĉefurbon en la aktuala Briviesca. Ĝi enhavas 46 submunicipojn.
• Comarca del Ebro: nordoriente de la provinco kaj trafluata de nordokcidento sudorienten fare de la rivero Ebro. La Montoj Obarenes separas la komarkon disde la Centra Altebenaĵo okcidente kaj ties ĉefurbo estas Miranda de Ebro. Oni inkludas ene de tiu komarko ankaŭ la historian graflandon Enclave de Treviño, kiu estas eksklavo ene de Eŭskio (provinco Alavo), kio rezultas en sociaj kaj politikaj malkonsentoj. La komarko enhavas 48 submunicipojn.
• Komarko Odra-Pisuerga: inter la rivero Pisuerga kaj ties alfluanto, la rivero Odra, en la zono de centro kaj okcidento de la provinco Burgoso. Ĝi enhavas 52 submunicipojn.
• Komarko Alfoz de Burgos. Ĝi enhavas 82 submunicipojn.
• Komarko Montes de Oca. Ĝi enhavas 31 submunicipojn.
• Komarko Arlanza: trafluata de la rivero Arlanza. La ĉefurbo de tiu komarko estas Lerma. Ĝi enhavas 109 submunicipojn.
• Komarko Sierra de la Demanda: sudoriente de la provinco Burgoso. Trafluata de la rivero Arlanza, ene de la Iberia Sistemo, sude de la deklivaroj de la Sierra de la Demanda. Ĝi enhavas 12 submunicipojn, inter kiuj Neila, unu el plej altiraj turismaj areoj de Hispanio.
• Komarko Ribera del Duero: en la baseno de la rivero Doŭro, sude de la provinco Burgoso. La ĉefurbo de tiu komarko estas Aranda de Duero. Subkomarko de Ribera del Duero estas la Valo de Esgeva. Ĝi enhavas 8 submunicipojn.

Municipoj

Pli detalaj informoj troveblas en artikolo Municipoj de la provinco Burgoso.

Estas 371 municipoj en la provinco.

Plej loĝataj municipoj

Burgos Miranda de Ebro Aranda de Duero
	Numero	Municipo	Loĝantaro	Numero	Municipo	Loĝantaro	Briviesca Medina de Pomar Villarcayo de Merindad de Castilla la Vieja
	1	Burgos	174 051	11	Salas de los Infantes	1980
	2	Miranda de Ebro	35 528	12	Villagonzalo Pedernales	1853
	3	Aranda de Duero	33 084	13	Arcos de la Llana	1816
	4	Briviesca	6465	14	Belorado	1754
	5	Medina de Pomar	5834	15	Espinosa de los Monteros	1674
	6	Villarcayo de Merindad de Castilla la Vieja	4029	16	Quintanar de la Sierra	1596
	7	Valle de Mena	3987	17	Melgar de Fernamental	1553
	8	Lerma	2609	18	Villadiego	1484
	9	Roa	2196	19	Villalbilla de Burgos	1454
	10	Alfoz de Quintanadueñas	2163	20	Ibeas de Juarros	1438
Fonto: INE 2021