Saint-Cast-le-Guildo

Saint-Cast-le-Guildo
komunumo
La plaĝo de Saint-Cast-le-Guildo, la 18-an de januaro 2004
Blazono
Regno	Francio
Regiono	Bretonio
Departemento	Côtes-d'Armor
Arondismento	Dinan
Kantono	Matignon
Komunumaro	Komunumaro de la Lando de Matignon
Situo	Saint-Cast-le-Guildo
- koordinatoj	48°37′48″N 02°15′24″U (mapo)
Plej alta punkto
- alteco	76 m s. m.
Plej malalta punkto
- alteco	5 m s. m.
Areo	22,63 km² (2 263 ha)
Loĝantaro	3 491 (20102017)
Denseco	154,26 loĝ./km²
Dato	2008-2014
Urbestro	Jean Fernandez
Horzono	MET (UTC+1)
- somera tempo	MET (UTC+2)
Poŝtkodo	22380
INSEE	22282
Geografia lokigo sur la mapo : Côtes-d'Armor DEC Saint-Cast-le-Guildo Geografia lokigo sur la mapo : Francio DEC Saint-Cast-le-Guildo
Vikimedia Komunejo: Saint-Cast-le-Guildo
Retpaĝo: saintcastleguildo.fr

Saint-Cast-le-Guildo [sɛ̃kaləgildo] estas franca komunumo, en departemento Côtes-d'Armor en regiono Bretonio.

Geografio

Situo

Tiu banurbo situas ĉe Côte d'Émeraude, inter Saint-Jacut-de-la-Mer kaj Kabo Fréhel.

La urbo ĉe la bordo, konsistas el la kvartaloj Le Bourg, L'Isle, Les Mielles kaj La Garde. La Granda Plaĝo situas inter la Pinto de la Garde kaj la Pinto de Saint-Cast. Tamen estas multaj aliaj plaĝoj (Pen Guen, Quatre Vaŭ, La Fosse, La Pissote, La Mare, La Fresnaye).

Loĝantaro

La urbo enhavas 3 500 enloĝantojn vintre, kaj preskaŭ 35 000 somere.

Pluraj hoteloj kaj gastoĉambroj estas tutjare malfermitaj. Estas ankaŭ multaj kampadejoj kaj gastloĝejoj sur la komunumo.

Toponimio

La nomo venus de sankta Cast (aŭ Kado), filo de irlanda princo, disĉiplo de sankta Ĵakut kaj granda vojaĝanto ; patrono de la vojaĝantoj kaj kavaliroj. Alia hipotezo estas misformo de la bretonaj vortoj lan = valo kaj cad = batalo.

Historio

En la kastelo de Guildo loĝis princo Ĝilo de Bretonio, filo de la duko Johano la Kvina de Bretonio, enkarcerigita poste mortigita en 1450.

Batalo de Saint-Cast okazis en 1758. Okazis angla albordiĝo proksime de Dinard. Ne povante transiri la riveron Rance por ataki Saint Malo defendata per fortikaĵoj plifortigitaj de Vauban, la britaj trupoj retretis kaj deziris reiri al la ŝiparo, kiu estis ŝirmita antaŭ Saint-Cast. Ili estis atakitaj kaj venkitaj per la franca armeo estrata de la duko de Aiguillon kaj bretonaj volontuloj, la 11-an de septembro sur la granda plaĝo de Saint-Cast dum sia reenŝipiĝo.

Administrado

Listo de la sinsekvaj urbestroj
Periodo		Nomo	Partio	Funkcio
junie 1995	marte 2008	Henri Baudet	Sendependa (SE)
marte 2008	-	Jean Fernandez	Diversa Dekstro (DVD)	Emerita profesoro pri matematiko
La tabelo estas ankoraŭ plenigenda.

Kulturo kaj heredaĵo

Kultura heredaĵo

La haveno

Saint-Cast-le-Guildo posedas nur unu monumenton regsitritan en la inventaro de la historiaj monumentoj : la restaĵoj de vilao aŭ romia milita postenejo. Tiuj restaĵoj estis klasitaj MH en 1938.

Elstaruloj ligitaj al la komunumo

• Onklo de Chateaubriand posedis kastelon de Val
• Yves Sabouret (N° 1936), urbestro de 1967 à 1995, prezidanto de Fondation de France ekde 2007.
• Bernard Buffet
• Alain Amselek & Catherine Bergeret-Amselek
• Michel Schetter

Heraldiko

	Blazono	france Parti : au premier d'hermine plain, au second d'azur semé de fleurs de lys d'or ; sur le tout de gueules à la cloche d'argent. esperante vertikale tranĉita : la unua ermenplena, la dua lazura semita per oraj lilioj; antaŭ la tuto ruĝa ŝildeto kun arĝenta sonorilo.
	Detaloj	La oficiala situacio de la blazono restas determinota.

Vidu ankaŭ

• Komunumoj de Côtes-d'Armor

Eksteraj ligiloj

• Oficiala retpaĝo de la turismoficejo