Sam & Max Hit the Road

El Vikipedio, la libera enciklopedio
Saltu al: navigado, serĉo
Kovrilo de la videoludo.

Sam & Max Hit the Road estas grafika aventur-videoludo, origine kreita kaj eldonita de LucasArts en 1993 por DOS kaj en 1995 por Makintoŝo-komputiloj. Ĝisdatigita kaj renovigita versio por Vindozo cetere aperis en 2002. Ĝi estis la naŭa videoludo, kiu uzis la videoludo-sistemon SCUMM.

La videoludo baziĝas sur la fikciuloj de la komikso Sam & Max, fare de Steve Purcell. Ĝi rakontas la aventurojn de la du fantaziaj detektivoj Sam (granda, homaspekta hundo) kaj Max (malgranda, histeria kuniklo) tra karikatura Usono, serĉante eskapitan saskvaĉon.

Sam & Max Hit the Road, samkiel aliaj videoludoj de LucasArts, famiĝis pro sia simpatia etoso kaj pro sia ĉiea humuro.