Sergeo Obruĉev

El Vikipedio, la libera enciklopedio
Salti al navigilo Salti al serĉilo
Sergeo Obruĉev
Persona informo
Naskiĝo 30-an de novembro 1890 (1890-11-30)
Morto 21-an de aŭgusto 1965 (1965-08-21) (74-jara)
Lingvoj Esperanto
Ŝtataneco Sovetunio
Profesio
Profesio esperantisto
v  d  r
Information icon.svg

Sergej Vladimiroviĉ OBRUĈEV (ruse Сергей Владимирович Обручев; naskiĝis 1891, mortis la 21-an de aŭgusto 1965[1]) estis rusa profesoro kaj doktoro pri geologio kaj esperantisto en Leningrado (antaŭ 1914 kaj post 1991 nomita Peterburgo).

Obruĉev esperantistiĝis en 1907. Li estis kunredaktanto de la rusa Esperanto-gazeto La Ondo de Esperanto de 1909 ĝis ĝia ĉeso en la revolucia jaro 1917. En marto 1923 li prezentis la raporton pri la rusaj Akademiaj Korektoj.[2] Tre probable li pro tio estis membro de la Lingva Komitato.

Fine de la 1950-aj jaroj - post la denova permeso de Esperanto en poststalina Sovetunio - li fariĝis gvidanto de Esperanto-klubo ĉe Leningrada domo de sciencistoj. En 1964 li fariĝis (denove) membro de la Akademio de Esperanto ĝis sia morto en la sekva jaro.

Fontoj[redakti | redakti fonton]

  1. Aktoj de la Akademio 1963–1967, 2-a eldono, paĝo 20.
  2. Albault, André. En: Zamenhof, L.L. Fundamento de Esperanto. 1963, 1991, 2007, p. 270 ss. La raporto estas datita "Moskvo, 10 MAR 23".
  • Geologio Internacia, volumo 1, Prago 1968, paĝoj 96-100, artikolo de D. Armand pri la vivo kaj laboro de S.V.Obruĉev, kun indiko, ke la detaloj estas prenitaj el "Sciigoj de AN SSSR, serio geografia", n-ro 6, 1965


Vojaĝo en Esperanto-lando.jpg
Tiu ĉi artikolo enhavas rektajn citaĵojn prenitajn de la lernolibro Vojaĝo en Esperanto-lando de Boris Kolker kun afabla permeso de la aŭtoro.
Vojaĝo en Esperanto-lando.jpg