Stanislas Wawrinka

El Vikipedio, la libera enciklopedio
Salti al navigilo Salti al serĉilo
Stanislas Wawrinka, 2012

Stanislas Wawrinka (naskiĝis la 28-an de marto 1985 en Laŭzano) estas svisa tenisludisto, kiu ludas ekde la jaro 2002 dum la ATP-turneo. Li vivas en Saint-Barthélemy en Kantono Vaŭdo. En la jaro 2008 li unuan fojon klasiĝis inter la 10 plej bonaj ludistoj de ATP. Liaj ĝis nun plej granda sukcesoj estis la venko de la Granda Ŝlemo-turniroj Australian Open en 2014, kie li la 26-an de januaro 2014 gajnis en la finalo kontraŭ Rafael Nadal, kaj French Open en 2015, kie li la 7-an de junio 2015 gajnis la finalan matĉon kontraŭ Novak Đoković.

En la Someraj Olimpikoj 2008 en la duobla ludo kune kun Roger Federer li akiris la oran medalon.

Vivo[redakti | redakti fonton]

Stanislas Wawrinka pasigis sian infanaĝon en kampara bieno en Saint-Barthélemy en Kantono Vaŭdo en Svislando. La bieno apartenis al hejmo por handikapuloj. Lia avo, kiu enmigris el Germanio al Svislando estis biologia kamparano. Ambaŭ gepatroj de Wawrinka, Wolfram kaj Isabelle Wawrinka, laboris por la handikapula hejmo.

Pro geamikoj de la gepatroj el Alzaco Stanislas kaj lia tri jarojn pli aĝa frato Jonathan ekludis tenison. La filoj de tiuj geamikoj Dimitri kaj Gregory Zavialoff pasigis siajn somerferiojn en la bieno de la familio kaj tenison ludis sur la proksima tenisejo. Dimitri Zavialoff 15 jarojn poste fariĝis la trejnisto de Wawrinka.

Wawrinka komencis la tenisludon en la Tenisoklubo Echallens. Ĉar tima Dimitri Zavialoff ĵus finis sian studadon kiel tenisoludisto, la gepatroj de Wawrinka dungis lin. Zavialoff fariĝis instruisto kaj samtempe amiko de Wawrinka. En la aĝo de 16 jaroj, Wawrinka atingis la duonfinalon de la Eŭropa Ĉampionado. Tiun ludon gajnis lia posta konkuranto Jo-Wilfried Tsonga.[1]

Notoj kaj referencoj[redakti | redakti fonton]

  1. Partoj de ĉi-tiu teksto baziĝas sur libera traduko de la teksto en la germanlingva vikipedio, konsultu ties referencojn.

Eksteraj ligiloj[redakti | redakti fonton]