Teritoria organizado de Kanado

Mapo de Kanado

Kanado estas federacio en Nordameriko formita de dek provincoj kaj tri teritorioj kiuj kreas la duan plej grandan landon en la mondo. La ĉefa diferenco inter provinco kaj teritorio en Kanado, estas tio ke la provinco ricevas la povon rekte de la Krono, havante pli da rajtoj dum la teritorioj ricevas nur kelkajn malpli grandajn rajtojn de la federala centra registaro.

En la nuntempo la provincoj de Kanado estas Alberto, la Brita Kolumbio, Manitobo, Nov-Brunsviko, Novlando kaj Labradoro, Nov-Skotio, Ontario, la Insulo de Princo Eduardo, Kebekio kaj Saskaĉevano. La tri teritorioj estas Nordokcidentaj Teritorioj, Nunavuto kaj Jukono.

La provincoj ĝuas grandan aŭtonomion rilate al la federala potenco, kaj havas la jurisdikcion super la plejmulto el la publikaj servoj (sano, edukado, bonfarto kaj transporto). Ili ricevas monon de la federala registaro por la financado de tiuj ĉi servoj kaj ankaŭ povas enkasigi siajn proprajn impostojn.

Provincoj de Kanado

Provinco	Poŝta mallongigo ISO-kodo	Aliaj mallongigoj	Ĉefurbo	Aliĝo al la Konfederacio	Loĝantaro (2008)	Areo (km²)
						Tero	Akvo	Totalo
Ontario 1	ON	Ont.	Toronto	1-a de julio 1867	12.891.787	917.741	158.654	1.076.395
Kebekio 1	QC	Qué., PQ, P.Q.	Kebeko		7.744.530	1.356.128	185.928	1.542.056
Nov-Skotio2	NS	N.S.	Halifakso		935.962	53.338	1.946	55.284
Nov-Brunsviko 2	NB	N.B.	Frederiktono		751.527	71.450	1.458	72.908
Manitobo3	MB	Man.	Vinipego	15-a de julio 1870	1.196.291	553.556	94.241	647.797
Brita Kolumbio2	BC	B.C.	Viktorio	20-a de julio de 1871	4.428.356	925.186	19.549	944.735
Insulo de Princo Eduardo2	PE	PEI, P.E.I.	Ĉarlotaŭno	1-a de julio 1873	139.407	5.660	—	5.660
Saskaĉevano 4	SK	Sask.	Reĝino	1-a de septembro 1905	1.010.146	591.670	59.366	651.036
Alberto 4	AB	Alta.	Edmontono		3.512.368	642.317	19.531	661.848
Novlando kaj Labradoro2	NL	Nfld., NF, LB	Sankta Johano de Novlando	31-a de marto de 1949	508.270	373.872	31.340	405.212

Teritorioj de Kanado

En la nuntempo, te teritorioj de Kanado estas tri. Male al la provincoj, ili ne havas propran jurisdikcion kaj nur kompetentas pri tiuj povoj donitaj de la federala registaro. La teritorioj okupas parton de la nordo je 60° N kaj okcidente de la Golfo Hudson, kaj ankaŭ en preskaŭ ĉiuj insuloj norde de kontinenta Kanado (de Golfo James al Arktaj Insuloj).

Teritorio	Poŝta mallongigo (ISO-kodo)	Aliaj mallongigoj	Ĉefurbo	Aliĝo al la Konfederacio	Loĝantaro (2008)	Areo (km²)
						Tero	Akvo	Totalo
Nordokcidentaj Teritorioj	NT	N.W.T., NWT	Jelonajfo	15-a de julio 1870	42.514	1.183.085	163.021	1.346.106
Jukono	YT	Y.T., YK	Vajtohorso	13-a de junio 1898	31.530	474.391	8.052	482.443
Nunavuto	NU	-	Ikaluito	1-a de aprilo 1999	31.152	1.936.113	157.077	2.093.190

Eksteraj ligiloj

• Bumsted, J. 2004. History of the Canadian Peoples, Oxford: Oxford University Press (ISBN 0-19-541688-0)
• about.com: Provincial Government Organization