Ĉernivco
Ĉernivco – ukraine Чернівці [ĉernivci], rumane Cernăuţi [ĉernəucj], germane Czernowitz aŭ Tschernowitz [ĉernovic], ruse Черновцы [ĉernovci], pole Czerniowce [ĉerniovce] – estas la administra centro de la Ĉernivca provinco (oblast') en sudokcidenta Ukrainio kaj la tradicia ĉefurbo de la historia regiono Bukovino.
La dato de letero de la moldava mastro Aleksandro Dobrij – 8-a de oktobro 1408 – en kiu li menciis pri la imposto ĉe la muroj de la urbo, estas konsiderata kiel naskiĝdato de la urbo. Nun la letero troviĝas en la ŝtata arkivo de Rusia Federacio, sed la ambasadoro de RF en Ukrainio, V. Ĉornomirdin, frate rifuzis redoni la leteron al Ĉernivco.
Antaŭ la unua mondmilito la urbo kaj ĉirkaŭa regiono apartenis al Aŭstrio-Hungario (Bukovino), inter la du mondmilitoj al Rumanio.
Ĝi nun havas ĉ. 250.000 loĝantojn kaj situas apud la rivero Prut.
Konataj urbanoj
En la urbo naskiĝis kaj vivis interalie la germanlingva poetino Rose Ausländer [Roze Aŭslende], de kiu du libroj aperis ankaŭ en Esperanto. Aliaj, ankaŭ germanlingvaj, konatoj ligitaj al la urbo estas la poeto Paul Celan [Paŭl Celan] kaj la psikoanalizisto Wilhelm Reich [Vilhelm Rajĥ], kiu naskiĝis proksime kaj vivis en la urbo.
Vidu ankaŭ
-
Muzeo Volodimir Ivasjuk en Ĉernivco -
Palaco de Kulturo de la urbo -
