Aŭtonoma Provinco Montara Karabaĥo

El Vikipedio, la libera enciklopedio
Saltu al: navigado, serĉo
Nagorno Karabakh03.png

La Aŭtonoma Provinco Montara Karabaĥo (ruse : Нагорно-Карабахская автономная область, azere : Дағлыг Гарабағ мухтар вилаjəти, armene : Լեռնային Ղարաբաղի Ինքնավար Մարզ) estis kreita en la sino de la Azerbajĝana Soveta Socialisma Respubliko en 1923. La konflikto inter Armenio kaj Azerbajĝano pro la proklamado de la parlamento de Karabaĥo de la aliĝo al Armenio, ekiĝinta en 1988, transformiĝis en milito fine de 1991 ĝis batalhalto en 1994..

La 26-an de novembro 1991, la Parlamento de la soveta Azerbajĝano nuligis la statuton de aŭtonomio de la provinco kaj administre dividis ĝin en rajonoj. Kiel respondo, la plimulto de la armena loĝantaro deklaris la sendependecon de Karabaĥo kaj starigado de Karabaĥa Respubliko.

Kvankam la provinco posedis aŭtonomion ene de SSR Azerbajĝano, la centra azera politiko intencis iom post iom malfortigi ĝin kaj integri ĝin kun ĉiuj aliaj rajonoj. La plimulto de la loĝantaro estis armenoj sed la azera politiko entreprenis plurajn taktikojn por azerigi la provincon. Inter ili troviĝis la manko de armenlingvaj amaskomunikiloj aŭ lerniloj. Same translokigo de la armena loĝantaro al aliaj regionoj de Azerbajĝano kaj la amasa loĝado de azeroj en Karabaĥo.

Vidu ankaŭ[redakti | redakti fonton]