Asteroida familio

El Vikipedio, la libera enciklopedio
Saltu al: navigado, serĉo
Nubo da punktoj de la orbita klinangulo / granda duonakso de numeritaj asteroidoj. La familioj vidiĝas kiel apartaj amasoj. La ĉefaj malplenoj de Kirkwood dividas la centran regionon (A, B+C, D, E+F+G)
Nubo da punktoj de la orbita klinangulo / discentreco de numeritaj asteroidoj.

Asteroida familio estas grupo da asteroidoj, kiuj havas proksimume samajn orbitajn elementojn, tiajn kiaj : grandan duonakson, discentrecon kaj orbitan klinangulon. Iuj el tiuj asteroidaj familioj estas rigarditaj kiel koliziaj familioj, tio estas grupoj da rompaĵoj rezultantaj de asteroidaj kolizioj.

Ĝeneralaj ecoj[redakti | redakti fonton]

Estas proksimume 20 al 30 klare identigitaj asteroidaj familioj, kaj pluraj deko da aliaj malpli nete, la plejparto el ili troviĝas en la asteroida ĉefzono, kvankam pluraj familioj (tiaj, kiaj la Palasa, la Hungaria kaj la Focea familioj) havas orbitan klinangulon pli granda kaj grandan duonakson pli malgranda ol tiuj de la korpoj de la ĉefa zono.

Inter 33 kaj 35% el la asteroidoj de la ĉefa zono estas anoj de familioj.

Estis trovita familio asociata kun la nanoplanedo Haŭmeo. Oni serĉis koliziajn familiojn ĉe la trojaj asteroidoj sed ĝis nun sen trovi tiajn familiojn.

Deveno kaj evoluo[redakti | redakti fonton]

Hipoteze, la familioj formiĝis post kolizioj inter asteroidoj. En multenombraj okazoj, la kolizita korpo estis frakasita. Sed estas ankaŭ pluraj familioj, kie la "ĉefa korpo" ne estis tre perturbata (ekzemple la Vesta, Palasa, Higia kaj Masalia familoj) Tiaj familioj konsistiĝas el unu granda asteroido kaj multe da malgrandaj. Iaj familioj (ekzemple la Flora familio) havas malsimplajn strukturojn malfacile klarigeblajn, kio povus rezulti de pluropaj kolizioj, okazinte je malproksimaj epokoj. Ĉar deveninte de sama korpo, la anoj de familio havas proksimajn kemian komponiĝon, sed estas notindaj eksceptoj, kiam la familio rezultas de la la diseriĝo de diferenciĝinta kosma korpo (ekzemple, la Vesta familio).

Entruduloj[redakti | redakti fonton]

Ne estas malofte, ke asteroido havas hazarde samajn orbitajn elementojn kiel anoj de familio, kaj tamen ne devenas de la kolizio kiu formis la familion. La entruduloj povas esti "perfidataj" per iliaj spektraj ecoj, kiuj ne kongruas kun tiuj de la aliaj familianoj. Plej fama entrudulo estas Cereso, kiun oni malprave kredis ĉefa ano de la "Ceresa familio", familio nun konata kiel Gefiona familio.

Ĉefaj familioj[redakti | redakti fonton]

Familio nomita laŭ orbitaj elementoj Grando Alia nomo
Granda duonakso (AU) Discentreco Klinangulo (°) Proksimuma % el la asteroidoj Identigataj anoj
Eosa 221 Eoso 2,99 al 3,03 0,01 al 0,13 8 al 12 480
Eŭnomia 15 Eŭnomio 2,53 al 2,72 0,08 al 0,22 11,1 al 15,8 5% 370
Flora 8 Floro 2,15 al 2,35 0,03 al 0,23 1,5 al 8,0 4-5% 590 Ariadna familio laŭ 43 Ariadno
Higia 10 Higio 3,06 al 3,24 0,09 al 0,19 3,5 al 6,8 1% 105
Koronisa 158 Koroniso 2,83 al 2,91 0 al 0,11 0 al 3,5 310
Maria 170 Mario 2,5 al 2,706 12 al 17 80
Nisa 44 Niso 2,41 al 2,5 0,12 al 0,21 1,5 al 4,3 380 Herta familio laŭ 135 Herto
Temisa 24 Temiso 3,08 al 3,24 0,09 al 0,22 0 al 3 530
Vesta 4 Vesto 2,26 al 2,48 0,03 al 0,16 5,0 al 8,3 6% 240
Adeona 145 Adeono 65
Astrida 1128 Astrido 11
Bower 1639 Bower 13 Endimiona familio laŭ 342 Endimiono
Brazilia 293 Brazilio 14
Gefiona 1272 Gefiono 2,74 al 2,82 0,08 al 0,18 7,4 al 10,5 0,8% 89 Ceresa familio laŭ Cereso kaj
Minerva familio laŭ 93 Minervo
Kloriza 410 Klorizo 24
Dora 668 Doro 78
Erigona 163 Erigono 47
Hilda 153 Hildo 3,7 al 4,2 >0,07 <20° -
Karina 832 Karino 39
Lidia 110 Lidio 38
Masalia 20 Masalio 2,37 al 2,45 0,12 al 0,21 0,4 al 2,4 0,8% 47
Melibea 137 Melibeo 15
Merksia 808 Merksio 28
Misa 569 Miso 26
Naema 845 Naemo 7
Nemeza 128 Nemezo 29 Konkordia familio laŭ 58 Konkordio
Rafita 1644 Rafito 22
Verita 490 Verito 29 Undina familio laŭ 92 Undino
Transneptuna familio
Haumea Haŭmeo ~43 ~0,19 ~28

Noto kaj referencoj[redakti | redakti fonton]


Eksteraj ligiloj[redakti | redakti fonton]