Bonifaco la 8-a

El Vikipedio, la libera enciklopedio
Saltu al: navigado, serĉo
Disambig-dark.svg Tiu ĉi artikolo temas pri unu el pluraj katolikaj papoj de la nomo Bonifaco. Por aliaj uzoj vidu la apartigan artikolon Bonifaco.
Bonifaco la 8-a

Bonifaco la 8-a, denaske Benedetto Caetani (n. ĉ. 1235 - m. en 1303), estis la romkatolika papo inter 1295 kaj 1303. Unue advokato kaj notario de la papo en Romo, li fariĝis kardinalo en 1281 kaj estis oficiale elektita kiel la nova papo la 24-an de decembro 1294, post la rezigno de Celesteno la 5-a.

Samkiel Gregorio la 7-a, tiu papo volis aserti la superecon de spirita potenco super tera potenco, kaj do opiniis mastri la variajn tronojn de Eŭropo. Li spertis gravan konflikton kun la familio Colonna, kiu subtenis la rajtojn de la Aragona reĝlando, kun la sankta romia imperiestro, sed precipe kun Filipo la Bela de Francio.