Brig-Glis

El Vikipedio, la libera enciklopedio
Saltu al: navigado, serĉo
Brig-Glis
Blazono de Brig
Balzono de Brig-Glis
Stockalper-Palaco en Brigo
Stockalper-Palaco en Brigo
Kantono Valezo
Distrikto Brigo
Koordinatoj  46°19′09″N 7°59′17″O  /  46.31917°N, 7.98806°O / 46.31917; 7.98806 (Brig-Glis)Koordinatoj: 46°19′09″N 7°59′17″O  /  46.31917°N, 7.98806°O / 46.31917; 7.98806 (Brig-Glis)
Nombro de enloĝantoj 12056
Areo 38,08 km²
Alteco 691 m super marnivelo
Poŝtkodo 3900
Komunumkodo 6002
Mapo de  Brig-Glis
Situa mapo de Brig-Glis

Brig-Glis estas la ĉefurbo de la distrikto Brigo en Kantono Valezo, Svislando. Ĝi havis 12056 loĝantojn por la 31-a de decembro 2006.

Geografio[redakti | redakti fonton]

La komunumo situas en la supra valo de Rodano kaj konsistas el la malnova urbo kaj municipo Brigo kaj la vilaĝoj Glis kaj Brigerbad.[1]

La teritorio de la komunumo etendiĝas sur areo de 38,08 km², de kiuj 43,7% estas kovritaj de arbaro, 13,6% servas por agrikulturo kaj 11,6% por setlado. [2]

Trafiko[redakti | redakti fonton]

Brig estas signifa fervojnodo. En Brigo troviĝas interalie la Tunelo de Sempiono kaj la nova Baza tunelo de Lötschberg, per kiuj ligiĝas Berno kun Italio. Tra Brig ankaŭ pasas la Materhorno-Gotardo-Fervojo de Zermatt al Koiro kaj krome la sempiona trajnlinio laŭlonge de Rodano al Laŭzano. Tra Brig-Glis pasas la kantona ĉefvojo n-ro 9, al kiu parte paralelas la svisa aŭtovojo A9.

Historio[redakti | redakti fonton]

Brigo estis fondita de keltoj (briga signifas en la kelta lingvo monteta [fortikaĵo]). La unua mencio de nobela familio de Brigo datiĝas el la jaro 1215 kiel Briga. La urbon Brigo supozeble fondis la episkopo de Siono en la 14-a jarcento. En mezepoko Brigo estis la sidejo de la regiona tribunalo. De la jaro 1658 ĝis 1678 Kaspar Stockalper konstruigis en Brigo kastelon kun tri turoj arkada korto kaj parko, kiu fariĝis la rekonilo de la urbo.[3]

La nuna komunumo Brig-Glis estiĝis el la kunfandiĝo de la komunumoj Glis kaj Brigo la 1-an de januaro 1973.[4]

Vidindaĵoj[redakti | redakti fonton]

La historia malnova urbocentro de Brigo kun la Stockalper-Palaco estas absolute vizitindaj. Brig-Glis estas ankaŭ bona elirloko por aliri la turismajn lokojn en Valezo kiel ekzemple Zermatt.

Vidu ankaŭ[redakti | redakti fonton]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Louis Carlen: Grig-Glis en Historia Leksikono de Svislando (2013-07-17)
  4. Fonto: Grig-Glis en Historia Leksikono de Svislando (2002-12-30)

Eksteraj Ligiloj[redakti | redakti fonton]