Claude Louis Berthollet

Claude Louis Berthollet (1748-1822)
Franca kuracisto kaj kemiisto
Persona informo
Claude Louis Berthollet
Naskiĝo	9-a de decembro 1748 en Talloires, proksima de Annecy,  Francio
Morto	6-a de novembro 1822 en Arcueil,  Francio
Mortis pro	naturaj kialoj vd
Mortis per	antrakso vd
Tombo	Q88693975 vd
Lingvoj	franca vd
Loĝloko	Francio vd
Ŝtataneco	Francio • Reĝlando Sardio vd
Alma mater	Universitato de Torino
Subskribo
Familio
Edz(in)o	Marie-Marguerite Baur vd
Infanoj	Amédée Barthélemy Berthollet vd
Profesio
Okupo	kuracisto • kemiisto • politikisto vd
Laborkampo	kemio • politiko • medicino vd
Aktiva en	Parizo vd
Doktoreca konsilisto	Antoine Lavoisier vd
Postenoj Postenoj Pair of France • member of the Sénat conservateur • prezidanto • direktoro • profesoro • profesoro • vicprezidanto vd
Honorigoj Honorigoj Granda Oficiro de la Honora Legio • Membro de la Reĝa Societo de Londono • Knight Grand Cross of the Order of the Reunion • Fellow of the American Academy of Arts and Sciences • Kavaliro de Honora Legio vd
Membrecoj Membrecoj Reĝa Societo de Londono • Société Philomathique de Paris • Reĝa Sveda Akademio de Sciencoj • Akademio de Sciencoj de Francio • Usona Akademio de Artoj kaj Sciencoj • Prusa Akademio de Sciencoj • Reĝa Nederlanda Akademio de Artoj kaj Sciencoj • Bavaria Akademio de la Scienco • Accademia delle Scienze di Torino • Institut de France • Instituto de Egipto • Société d'encouragement pour l'industrie nationale • Académie des sciences, belles-lettres et arts de Savoie • Society of Arcueil • Accademia delle Scienze di Torino • Académie des sciences, belles-lettres et arts de Lyon • Akademio Nacia de Medicino • Société libre des sciences et belles-lettres de Montpellier vd
vd	Fonto: Vikidatumoj

Claude Louis BERTHOLLET (1748-1822) (* Talloires, proksima de Annecy, en la 9-a de decembro 1748 - Arcueil, en la 6-a de novembro 1822) estis franca kuracisto kaj kemiisto. Kune kun Antoine Lavoisier kaj aliaj, li kreis la kemian nomenklaturon, aŭ sistemon por nomoj, kiuj servas kiel bazo al la modernaj sistemoj por difini la nomojn de la kemiaĵoj. Li ankaŭ elvolvis esploron pri kolorigiloj kaj blankigiloj (enkondukante la uzon de kloro, en 1785, kiel blankiga elemento) kaj determinis la komponaĵon de la amoniako. Berthollet estis unu el la unuaj kemiistoj kiuj agnoskis la karakterizaĵojn de iu reversa reakcio, kaj tiam, la kemian ekvilibron. Kalia klorato (KCLO₃), kiu estas potenca oksidiganto, estas konata kiel salo de Berthollet.

Biografio

Li komencis siajn studojn en Chambéry, kaj poste li iris al Torino kie li diplomiĝis pri medicino. Liaj grandaj elvolviĝoj rilate al kemio faris el li, en mallonga tempoperiodo, ian aktivan partoprenanton en la Akademio de Sciencoj, en 1780. En 1789, li unuafoje produktis ian blankigan likvaĵon en sia laboratorio en la kajo de Javel en Parizo, pasante gaskloron tra solvaĵo kun natria karbonato. La likvaĵo rezultanta, konata kiel "Akvo de Javel" estas malforta solvaĵo de natria hipoklorito.

Berthollet engaĝiĝis en longedaŭra batalo kune kun alia franca kemiisto, Joseph Louis Proust (1754-1826) rilate al la Leĝo de la difinitaj proporcioj ankaŭ konata kiel Leĝo de Proust. Dum Proust kredis ke la kemiaĵoj komponiĝis laŭ fiksaj rilatumoj el ties konstituantaj elementoj, sendepende de la metodoj je produktado, Berthollet asertadis ke ĉi-rilatumo eble ŝanĝas laŭ la proporcio de la reaktantaj produktoj komence uzitaj. Kvankam Proust elmontris sian teorion pere de precisaj mezurprocedoj, lia teorio ne estis tuje akceptita parte kaŭze de la aŭtoritateco de Berthollet. En 1811, lia leĝo estis finfine akceptita, kiam Berzelius (1779-1848)ĝin konfirmis, laŭ eksperimentoj. Tamen, pli malfrue oni malkovris ke Berthollet ne estis komplete erara, ĉar ekzistas iu klaso da komponaĵoj kiuj ne obeas la leĝoj de la difinitaj proporcioj. Ĉi tiuj "ne-stekiometriaj komponaĵoj" nomiĝis Bertholidoj liaomaĝe.

Berthollet estis unu el la pluraj sciencistoj, kiuj partoprenis kune kun Napoleono en la ekspedicio al Egiptio, kaj estis membro de la departemento pri fiziko kaj natura historia de la Instituto de Egiptio.

En aprilo 1789, li elektiĝis Membro de la Reĝa Societo de Londono. En 1801, li estis elektita eksterlanda membro de la "Reĝa Akademio de Sciencoj de Svedio". Li elektiĝis Eksterlanda HonorMembro de la Amerika Akademiko de Artoj kaj Sciencoj, en 1822.

Verkoj

• Éléments de l'art de la teinture, 1804
• Essai de statique chimique, 1803
• Recherche sur les lois des affinités chimiques, 1803
• Memoria sobre a cultura da Urumbeba e sobre criação da Cochonilha
• Description de l'art du blanchiment par l'acide muriatique oxigené; par ... - 1795
• Researches Into the Laws of Chemical Affinity, 1809
• Cours de matière médicale chymique et pharmacologique, Firmin Didot, - 1779
• Nouvelles recherches sur les lois de l'affinité, - 1806
• Essai sur la causticité des sels, 1780
• De variorum liquorum vinosorum diaeteticis proprietatibus. (Praes. Joanne-Jacobo Nollan. Cand. Claudio-Ludovico Berthollet) - 1778
• De lacte animalium medicamentoso, (Praes. Joanne-Baptista Le Roŭ Des Tillets. Cand. Claudio-Ludovico Berthollet - 1779
• De aquarum hepatisatarum natura, compositione artificiali et virtutibus. (Praes. Ludovico-Alexandro De Cezan. Cand. Claudio Ludovico Berthollet) - 1784

Literaturo

• Bibliothèque Nationale de France
• WorldCat Identities
• Virtual International Authority File
• Universidade Federal de Campo Grande
• Politeknika Lernejo de Parizo
• UOL Educação
• Encyclopaedia Britannica
• University of Princeton

Vidu ankaŭ

• Wilhelm Ostwald (1853-1932)
• Antoine François de Fourcroy (1755-1809)
• Louis Bernard Guyton de Morveau (1737-1816)
• Antoine Germain Labarraque (1777-1850)
• Pierre-Simon Laplace (1749-1827)
• Antoine Lavoisier (1743-1794)
• Louis Joseph Gay-Lussac (1778-1850)
• Gaspard Monge (1746-1818)