Dikbeka minao

Kiel legi la taksonomion Dikbeka minao
Dikbeka minao
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Sturnedoj Sturnidae Genro: Scissirostrum Specio: S. dubium
Dunomo
Scissirostrum dubium (Latham, 1802)
Konserva statuso
Konserva statuso: Malplej zorgiga
Aliaj Vikimediaj projektoj

La Dikbeka minao (Scissirostrum dubium) estas specio de sturno en la familio de Sturnedoj. Ĝi estas monotipa en la genro Scissirostrum. Ĝi estas endemio de Sulaveso, Indonezio kaj de la apudaj insuloj Bangka, Lembeh, Togian, Buton kaj Banggajo. Birdoj el Peleng estis priskibitaj kiel raso pelingense, sed nun estas konsiderataj nesepareblaj el tiuj de aliaj lokoj en la teritorio kaj pro tio pluestas konsiderata kiel monotipa specio.

Ties natura habitato estas tropikaj malaltaj teroj kaj foje subtropikaj montaroj, iome arbarecaj aŭ humidejaj.

Tiu specio nestumas en kolonioj, kiuj ofte enhavas centojn da paroj. La nestoj estas elfositaj en putriĝintaj aŭ sekiĝintaj arbotrunkoj laŭ pega stilo. Ili manĝas fruktojn, insektojn kaj grenon.

Dikbekaj minaoj estas tre voĉemaj, ĉe ties kolonioj kaj en kunmanĝantaroj.

Ĝi estas nigreca birdo kun iom da malhelbrua nuanco; la plej klara distingilo estas tre dika kaj fortika ĉebaze flavoranĝa beko. La kruroj estas de sama koloro flavoranĝa. Alia distingilo estas tre ruĝaj disaj plumoj tre kontrastaj en nigreca pugo kaj ties flankoj.

Referencoj

• BirdLife International 2004. Scissirostrum dubium. 2006 IUCN Ruĝa Listo de Minacataj Specioj. Konsultita la 24an de julio 2007.
• Feare, C., Craig, A., Croucher, B., Shields, C., & Komolphalin, K. 1998. Starlings and Mynas. Christopher Helm. ISBN 0-7136-3961-X