Irmgard Keun

El Vikipedio, la libera enciklopedio
Saltu al: navigado, serĉo

Irmgard KEUN [imgat kojn] (naskita la 6-an de februaro 1905 en Berlino, mortinta la 5-an de majo 1982 en Kolonjo) estis germana verkistino.

La filino de fabrikposedanto unue fariĝis aktorino. Subitan famon ŝi gajnis per la verkado de du ironie-satiraj romanoj, temantaj pri virinoj dezirantaj sendependecon.

En la jaro 1933 la nazioj malpermesis ŝiajn verkojn kaj tri jarojn post tio la aŭtorino elmigris al Nederlando. En 1940 ŝi per falsa legitimilo revenis al Germanio, sed ŝia verkista kariero stagnis, kaj eĉ post la Dua mondmilito ŝiaj verkoj ne rikoltis grandan atenton. Nur ekde 1979 la verkaro de Irmgard Keun remalkovriĝis kaj reaperis en la libromerkato.

Listo de verkoj[redakti | redakti fonton]

  • Gilgi, eine von uns (romano, 1931; filmigita 1932)
  • Das kunstseidene Mädchen (romano, 1932)
  • Das Mädchen, mit dem die Kinder nicht verkehren durften (romano, 1936)
  • Nach Mitternacht (romano, 1937)
  • D-Zug dritter Klasse (romano, 1938)
  • Kind aller Länder (romano, 1938)