Kardĵali

El Vikipedio, la libera enciklopedio
Saltu al: navigado, serĉo
blazono de Kardĵali

Kardĵali (bulgare Кърджали) estas urbo en Bulgario, administracia centro de provinco Kardĵali (Област Кърджали). Loĝantaro — 51 mil personoj (2008).

Kardĵali estas grava centro de metalurgio (plumbo kaj zinko) kaj montara turismo en Rodopoj. En la ĉirkaŭaĵoj de la urbo troviĝas multaj vidindaĵoj el la trakia, romia, bizanca kaj otomana epokoj. Speciale famas trakia sanktejo Perperikon, nomumita por monda heredaĵo de UNESCO.

Kardĵali estas unu el la nemultaj urboj de Bulgario, kie etnaj turkoj estas plejmulto (ĉ. 62% de la loĝantoj). La urbestro Hasan Azis estas turko kaj reprezentas partion DPS, kiu estas konsiderata turka partio de Bulgario.

La urbo estas vigle rekonstruata, kun subteno de la Eŭropa Unio estas jam pretaj kelkaj grandaj projektoj, aliaj estas ankoraŭ planataj. En marto 2010 komenciĝos laboro pri la nova parko „Arpezos“ en la centro de la urbo ĉe la rivero Arda. La investata sumo estas 8,7 mln levoj. Post finfaro de la projekto je ĉiu loĝanto de Kardĵali estos po 23 m² da verdaĵoj[1].

Eksteraj ligiloj[redakti | redakti fonton]

Notoj[redakti | redakti fonton]

  1. http://kardjali.info.server13.host.bg/?p=1720