Kermano

Kermano, arabe کرمان estas metropolo kaj universitata urbo de Irano, kie estas la administra centro de la provinco same tiel nomata.

Panoramo de Kermano

Palaco proksime de Kermano

Kermano

Bazaj informoj

• 30°17′13″N 57°04′09″O
• Areo: km²
• Supermara alteco: 1755 m
• Loĝantaro: 636.242 en 2006
• Horzono: UTC + 3:30 (somere UTC + 4:30)
• Aŭtokodo:
• Poŝtkodo: 76100
• Telefonkodo: 341

Geografio

Kermano situas en plata kaj larĝa valo rande de dezerto. Tehrano troviĝas en distanco de 1076 km-oj.

Historio

La grekoj konis la urbon, kiel "Karamani". Ĝi fondiĝis supozeble en la 3-a jarcento. En 642 la araboj okupis la urbon. En la 11-a kaj 12-a jarcentoj la Turko-Selĝukoj havis la urbon. En 1271 Marco Polo vizitis la urbon kaj priskribis ĝin, kiel fama loko de teksaĵoj kaj komercistoj. En 1794 terura sieĝo okazis, poste la viroj estis mortigitaj, la virinoj kaj la infanoj iĝis sklavoj, la urbo detruiĝis. En la 19-a jarcento Kermano rekonstruiĝis. En 1896 tertremo okazis.

Ekonomio

Kermano estas centro de tapiŝofarado, sed oni faras ankaŭ kotonoteksaĵojn kaj kapro-lanofaraĵojn.

Klimato

Distriktoj de Kermano estas ĉirkaŭitaj per montoj kiuj kaŭzas diversecon en la vetero. La norda parto situas en senpluva dezerto, dum la altebenaĵo de la suda parto ĝuas pli moderan klimaton. Jare pluvas nur 135 mm. Ofte okazas sabloŝtormoj.

Trafiko

Kermano havas gravan enlandan flughavenon. Fervojo kaj vojo Tehrano-Pakistano trairas la urbon.

Vidindaĵoj

• turoj de silento, kie oni iam metis la kadavrojn por la birdoj
• moskeoj el la 11-a jarcento
• verda templo