Kotri

Kotri
urbo • setlejo • urbeto
Administrado
Demografio
Loĝantaro	259 358  (2017) [+]
Geografio
Geografia situo	25° 22′ N, 68° 19′ O (mapo)25.36668.31216 [+]
Kotri (Sindo) DEC Kotri Situo de Kotri
Kotri (Pakistano) DEC Kotri Situo de Kotri
Alia projekto
Vikimedia Komunejo Kotri [+]

Kotri (urdue کوٹری‎, sinde: ڪوٽڙي‎) estas urbego en provinco Sindo, en kantono de Ĝamŝoro (Pakistano).

Urba vido en Kotri

Bazaj informoj

• areo: km²
• supermara alteco: 47 m
• loĝantaro: 259,358 (2017)
• horzono: UTC+ 5 (PKT)
• poŝtkodo: 78100
• telefonkodo:

Geografio

Kotri situas sur ebenaĵo laŭ la okcidenta aŭ dekstra bordo de Induso en sudorienta Pakistano. Hajderabado kun Kotri estas ankaŭ duoblaj urboj, nur Induso disigas ilin. Hajderabado troviĝas 8, Karaĉio 143, Sukur 265, Ĝakobabad 324, Kveta 554, Multano 620, Fajsalabado 820, Lahore 907, Peŝavaro 1009, Rawalpindi 1023, Islamabado 1036 kilometrojn (aere) [1].

Historio kaj populacio

Historio de Kotri tre similas al de Hajderabado pro la proksimeco. Dum la Brita Imperio inter 1843 kaj 1947 konstruiĝis la fervojo, kiu faris eblecon al Kotri elpaŝi el ombro de Hajderabado. La statuso pri municipo alvenis en 1854. La akvoenergia centralo ((7 kilometrojn super Kotri) funkcias ekde 1955.

Kotri estas nuntempe la plej dinamike kreskiĝanta urbo de Pakistano, la meza jara kresko estas de 7,8% ekde 1998.

Demografio de Kotri

	1972	1981	1998	2017
Populacio	29 746	39 390	62 085	259 358

Bildoj pri Kotri

Akvoenergia centralo

Ponto

Fervoja ponto

Instituto

Ekonomio kaj eduko

En Kotri muelejoj pri jutoj funkcias. Estas ankaŭ fabrikoj, kiuj produktas telefonajn kaj telegrafajn ekipaĵojn. La areo ĉirkaŭ Kotri donas eblecon pro la irigacio kultivi rizojn, tritikojn kaj kotonojn. La centralo kontrolas la inundojn de Induso, generas [[elektron kaj irigacias la grundon en la regiono. La projekto ankaŭ implikis formadon de Kalri-Lago, provizante fiŝkaptadon kaj akvon por Karaĉio.

Nur instituto funkcias en Kotri, universitataj eblejoj troviĝas en la apuda Hajderabado.

Trafiko

Mapo pri fervojaj linioj en Pakistano, kie estas trovebla Kotri

Kotri estas konektita per ponto kun Hajderabado al la kontraŭa bordo, krome ĝi estas signifa fervoja nodo laŭ la linio Karaĉio-Islamabado.

Klimato

Kotri situas en arida klimato laŭ klimata klasifiko de Köppen (BWh) kun varmaj someroj (kun 40 °C) kaj mildaj vintroj. Ventoj kutime alportas polvojn tage, sed vespere la ventoj estas agrablaj kaj puraj. La jara precipitaĵo estas estas iom malpli, ol 200 mm. En ĉiuj monatoj pluvas simbole, nur la musono en julio kaj aŭgusto portas pli grandajn kvantojn.

Vidindaĵoj

Bildoj pri Kotri

Preĝejo

Preĝejo Sankta Stefano

Artaĵo

• diversaj preĝejoj

Fontoj

• WikiTrans
• [2]