Lajos Cziráki

Lajos Cziráki
Persona informo
Naskonomo	Cziráki Lajos
Naskiĝo	6-an de januaro 1917; en Hegyeshalom
Morto	1-an de junio 2003 (86-jaraĝa); en Győr
Okupo
Okupo	pentristo
	v • d • r

Lajos Cziráki [lajoŝ cirAki], laŭ hungarlingve kutima nomordo Cziráki Lajos estis hungara pentristo, mezlerneja kaj altlerneja instruisto.

Lajos Cziráki [1] naskiĝis la 6-an de januaro 1917 en Hegyeshalom, li mortis la 1-an de junio 2003 en Győr.

Biografio[redakti | redakti fonton]

Lajos Cziráki frekventis gimnazion en Pápa, poste li akiris pentristan diplomon en Hungara Belarta Altlernejo en 1944 kaj paralele ankaŭ pedagogian diplomon. Liaj plej gravaj instruistoj estis István Szőnyi, Zsigmond Kisfaludi Strobl kaj Nándor Lajos Varga. Dum la studentaj jaroj en 1942 kaj 1943 li havis stipendiojn en Romo kaj en 1940 kaj 1942 li ricevis premiojn. Post la diplomoj li tuj soldatiĝis, en Francio li estis militkaptito. Postmilite li pentradis jaron en Francio, poste li hejmenvenis kaj forlasis la pentradon. Inter 1946 kaj 1959 li instruis en pedagogia altlernejo de Pápa, poste en simila instituto de Győr (sed en Győr li denove pentradis). Li kreis pli malofte grafikaĵojn kaj skulptaĵojn. Inter 1968-1979 li instruis en gimnazio, poste emeritiĝis. Li ricevis premiojn inter 1940-1999.