Longbeka milvo
 | ||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
| ||||||||||||||
| Helicolestes hamatus (Temminck, 1821) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Longbeka milvo, Helicolestes hamatus,[1][2] estas rabobirdo de la familio de Akcipitredoj, kiu inkludas ankaŭ la aglojn, akcipitrojn kaj vulturojn.
Ĝi troviĝas ĉe akvo en arbaraj partoj de tropika norda kaj centra Sudameriko, kaj en malproksima orienta Panamo.
Ambaŭ seksoj estas similaj al masklo de Helikomilvo, kaj krome la Longbeka milvo estis ofte inkludata en sama genro, Rostrhamus. Plenkreskuloj estas ĉiam malhelgrizaj kaj havas flavajn okulojn, ruĝecoranĝajn vaksaĵon, bridojn kaj krurojn kaj nigran bekon kun supra makzelo ege longa, svelta kaj hokoforma, kio nomigas la specion. La tute malhela vosto estas rimarkinde pli mallonga ol ĉe la Helikomilvo. Nematuruloj similas al plenkreskuloj, sed havas brunecajn okulojn kaj tri (inkl. pinton) mallarĝajn blankajn zonojn en vosto. La bazo de flugilplumoj estas iom pli helaj ol la resto de la plumaro.
Kiel ĉe la Helikomilvo, la ne kutima hokegoforma beko estas adapto manĝi akvajn helikojn, kaj dum ĝi foje prenas krabojn, ĝi manĝas ĉefe helikojn el la genro Pomacea.
Referencoj
- ↑ Resurrect the monotypic genus Helicolestes for the Slender-billed Kite
- ↑ A classification of the bird species of South America
- BirdLife International (2004). Rostrhamus hamatus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Kriterioj por Malplej Zorgiga.
Eksteraj ligiloj
- Foto de plenkreskulo de Longbeka milvo mountainpath.
- Foto de nematurulo de Longbeka milvo altabpe00.
| ||||||||||||||||||
