Nikolaj Gumilov

El Vikipedio, la libera enciklopedio
Saltu al: navigado, serĉo
Ngumil.jpg

Nikolaj GUMILJOV (ruse Николай Степанович Гумилёв, n. 15-an de aprilo 1886 Kronŝtadt, Rusio – m. 24-an de aŭgusto 1921, Petrogrado (hodiaŭ Sankt-Peterburgo) estis rusa poeto, fondinto kaj ĉefteoretikulo de la akmeisma movado.

La patro de Gumilov estis kuracisto ĉe la mararmeo.

Li pasigis inter 1906 kaj 1908 tempon en Parizo kaj partoprenis en nord- kaj orient-afrikaj ekspedicioj. En 1909 li fondis kun aliaj la literatur-artan periodaĵon "Apollon".

En 1910 li geedziĝis kun poetino Anna Aĥmatova, sed ili disiĝis post unu jaro kaj oficiale divorcis en 1918.

Li batalis memvole en la Unua mondmilito, post la februara revolucio de 1917 estis politika komisiito en Parizo. Li hejmenvenis en 1918 kaj okupiĝis pri literaturo en Sankt-Peterburgo.

Ĉar li neniam kaŝis sian kontraŭsenton rilate al al bolŝevikoj, oni arestis lin en aŭgusto de 1921, suspektante partoprenon en kontraŭŝtata konspiro kaj ekzekutis lin. La akuzo estis plene falsita, oni rehabilitis la poeton nur 67 jarojn post la morto.

Nikolaj Gumilov estis elstara poeto en la rusa lingvo, brila poemtradukisto el diversaj lingvoj en la rusan.