Norman

Reviziita versio de ĉi tiu paĝo, aprobita je 15 apr. 2015, estis bazita sur ĉi tiu versio.

Norman estas grandurbo en Usono, en subŝtato Oklahomo, en distrikto Cleveland. La urbego apartenas al aglomeraĵo de Oklahomaurbo (Oklahomo).

Bazaj informoj

Koordinatoj: 35° 13′ N 97° 25′ U / 35.217 °N, 97.417 °U / 35.217; -97.417 (mapo)Koordinatoj: 35° 13′ N 97° 25′ U / 35.217 °N, 97.417 °U / 35.217; -97.417 (mapo)
Areo: 491 km²
Loĝantaro: 110.925 (en 2010)
Supermara alteco: 357 m (296-379 m)
Horzono: UTC-6h (en somero UTC-5h )
Poŝtkodoj: 73000-73099
Telefonkodoj: 405

Geografio

Norman situas sur montetaro en la meza landparto de Usono, same en la meza parto de Oklahomo. Oklahomaurbo troviĝas 30 km.

Historio

Tiu regiono vendiĝis kiel parto de Luiziano en 1803. En la 1870-aj jaroj la loko estis nomita pri 23-jaraĝa Abner Norman, kiu havis tie tendaron. En 1887 la trajno jam haltis tie. La urbeto mem fondiĝis en 1889. La universitato frue komencis funkcii en la urbo. Dum la 2-a mondmilito grava armea bazo fondiĝis. En 1959 Norman iĝis dormourbo de Oklahomaurbo.

Ekonomio

La universitato mem estas la plej granda labordonanto de Norman kaj ĝi estas centro por scienca kaj teknologia esplorado. Diversaj universitataj filioj funkcias en la urbego.

Trafiko

Norman havas malgrandan flughavenon. En la urbego aŭtobusoj liveras la pasaĝerojn. El Norman kuras fervojoj kaj aŭtoŝoseoj al Oklahomaurbo kaj Fort Worth.

Klimato

En Norman la temperaturo averaĝe varias inter 10-22 °C. La varmo kulminas en aŭgusto kun rekordo 47 °C, la malvarmo kulminas en februaro kun rekordo -27 °C. Jare pluvas po 981 mm. En ĉiuj monatoj pluvas (aŭ neĝas). La pluvo kulminas en junio, malkulminas en januaro.