Oberbalm
| Oberbalm | |
|---|---|
 | |
| Blazono de Oberbalm | |
 | |
| Ligna biendomo en Oberbalm | |
| komunumo en Svislando | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Berno |
| Koordinatoj | 46° 52′ 25″ N 7° 24′ 15″ O / 46.87361 °N, 7.40417 °O (mapo)Koordinatoj: 46° 52′ 25″ N 7° 24′ 15″ O / 46.87361 °N, 7.40417 °O (mapo) |
| Areo | 12,41 km² |
| Alteco | 821 m super marnivelo |
| Poŝtkodo | 3096 |
| Komunumkodo | 0357 |
 | |
| Mapo de Oberbalm | |
Oberbalm estis ĝis la 31-a de decembro 2009 komunumo de la distrikto Berno kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 865 loĝantojn je la 31-a de decembro 2010.
Geografio
Oberbalm situas en la Svisa Mezlando, proksimume 5 kilometrojn sude de la federacia urbo Berno. La sudokcidentan limas de la komunumo formas la rivero Schwarzwasser, kie sur alteco de 600 m s.m. troviĝas la plej malalta punkto de la komunumo. La plej alta punkto de la komunumo situas sur alteco de 940 m s.m. sur la monteto Tschuggen. La nordan limon formas la rojo Scherlibach. La komunumo konsistas el la vilaĝo Oberbalm kaj la vilaĝetoj Weier (en nordokcidento sur alteco de 719 m s.m.), Chligschneit (en okcidento sur alteco de 741 m s.m.), Schlatt (en sudokcidento sur alteco de 734 m s.m.), Borisried (en sudo sur alteco de 879 m s.m.), Schneitershus (en sudsudoriento sur alteco de 891 m s.m.), kaj Oberflüe (en oriento sur alteco de 927 m s.m.). Krome al la komunumo apartenas multnombraj izolitaj bienoj kaj domgrupoj.[1]
La teritorio de la komunumo etendiĝas sur areo de 12,41 km², de kiuj 20,8% estas kovritaj de arbaro, 74,0% servas por agrikulturo kaj 4,6% por setlado. [2]
Najbaraj komunumoj
La komunumo Oberbalm limas en nordokcidento kaj en nordo al Köniz, en oriento al Wald, en sudoriento al Niedermuhlern, en sudo al Rüeggisberg, kaj en sudokcidento al Schwarzenburg.
Trafiko
Oberbalm situas flanke de la gravaj trafikvojoj. La komunumo atingebals per flanka vojo de Niederscherli (komunumo Köniz) al Niedermuhlern. Per la poŝtaŭtolinio de Köniz al Riggisberg la komunumo estas konektita al la publika transportreto.
Historio
La unua dokumenta mencio de Oberbalm datiĝas el la jaro 1228 kiel Balmes. La mezepoka pilgrimejo apartenis al la Grafoj de Laupen-Sternenberg kies prasidejo troviĝis supre de Scherliau proksime de Oberbalm. Ĝi estis parto de la kampargrafejo Arburgonjo kaj ek de la jaro 1388 de la berna kampartribunalo Sternenberg. Post la fino de la Helveta Respubliko en la jaro 1803 Oberbalm estis atribuita al la distrikto Berno, kiu en la jaro 2010 estis integrita al la administra distrikto Berno-Mezlando. [3]
Notoj kaj referencoj
- ↑ Fonto: Mapo 1:20000 de Swisstopo
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Anne-Marie Dubler: Oberbalm en Historia Leksikono de Svislando (2009-08-12)
Eksteraj Ligiloj
- Vidu ankaŭ en la Vikimedia Komunejo la kategorion Oberbalm – (Kolekto de bildoj kaj plurmediaj dosieroj)
Bildoj
-
Historia grejnejo Hobermat -
Historia grejnejo Oberbalmstrasse -
Kampara bieno Stöckli en Oberbalm
| ||||||