Otomioj

El Vikipedio, la libera enciklopedio
Saltu al: navigado, serĉo
Regionoj, kie vivas otomioj en la hodiaŭa Meksiko.

La otomioj (memnomigo Hñähñu) estas indiĝena etno en Meksiko.

La otomia lingvo apartenas kun la lingvoj de la ĉiĉimekoj, mazahuoj, pameoj, viltekoj und matlacinkoj al la oto-pame-lingvoj, kiuj siavice apartenas al la otomi-mangea lingvaro (kune kun la lingvoj de la amuzgoj, ĉinantekoj, miŝtekoj, popolokoj, tlapanekoj kaj zapotekoj). La otomioj de la Mezquital-valo (Valle de Mezquital) parolas la variaĵon nHa:nHu kaj la otomioj sude de Querétaro la variaĵon nHa:nHo, kune proksimume 3000.000 homoj (el ili 5 ĝis 6 procentoj estas unulingvaj), la plej multaj en la federaciaj ŝtatoj Hidalgo (Valle de Mezquital), Estado de México, Puebla, Querétaro, Tlaxcala, Michoacán kaj Veracruz. Kvankam la otomia lingvo apartenas al la plej multe parolataj indiĝenaj lingvoj en Meksiko, ĝi estas (kiel multaj lingvoj en Meksiko) altgrade en danĝero, ĉar nur malmultaj infanoj lernas ĝin.

La otomioj estis najbaroj de la meŝikoj (aztekoj, en tiu nomo originas "Meksiko") kaj estis rigardataj kiel kuraĝaj militistoj. Otomiajn militistojn kaj la aztekoj kaj ties malamikoj, la tlaŝkaltekoj dungis kiel soldsoldatojn. Estas raportite, ke la taŝkaltekoj unue sendis otomiojn en la batalojn kontraŭ la hispanaj konkerantoj (conquistadores) kaj nur post ties malvenko faris sian kontrakton kun la hispanoj.