Povumo

En fiziko, povumo (simbolo: P) povas esti kaj mekanika kaj elektra.

Mekanika povumo

Mekanike, la povumo estas la kvanto de laboro W farita per unuo de tempo t. Eblas do vidi tion kiel fluo de energio, egale al rapido de ŝanĝo de energio en sistemo, definite per:

$P = \frac{dE}{dt}$

kie

• P estas povumo (unuo ekz. W)
• E estas energio aŭ laboro W (unuo ekz. Wh)
• t estas tempo (unuo ekz. h)

La mezurunuo de povumo estas do energio dividite per tempo.

SI unuo

La unuo de povumo laŭ SI estas vato, kiu estas unu ĵulo po sekundo.

Ne-SI unuoj

Kelkaj el ili estas:

• Ĉevalpovo (ĉP)
• Kilopondmetroj po sekundo (kpm/s)
• Povumo de Planck
• Lumeco de Suno

Elektra povumo

Elektre, la povumo P donita al komponaĵo estas:

$P = I \cdot V \,\!$

kiel

• P estas la povumo, mezurata per vatoj
• V estas la tensio trans la komponaĵo, mezurata per voltoj
• I estas kurento trairanta ĝin, mezurata per amperoj

Se komponaĵo estas rezistilo, tiam veras la ĵula leĝo:

$P=I^2 \cdot R \,\!$

aŭ

$P=\frac{V^2}{R}$

kie

• R estas rezistanco, mezurata per omoj.

vidu ankaŭ

• kilovathoro