Provinco Bié
La provinco Bié estas unu el 18 administraj unuoj, kiuj dividas la ŝtaton Angolo en sudokcidenta Afriko. Ĝi kovras areon de 70 314 kvadrataj kilometroj kaj laŭ takso pri la stato de 2006 havis proksimume 800 000 loĝantojn. Administra centro de la provinco estas la urbo Kuito. La teritorio situas en la centro de la lando.
La regiona klimato estas freŝa, la rivero Cuanza kaj abundaj pluvoj grandkvante provizas akvon kaj sekve bone kultiviĝas maizo, sukerkano, rizo, kafo kaj arakidoj. Ĉefaj etnoj en la provinco estas la ovimbundoj okcidente, gangeloj centre kaj ĉokveoj oriente.
| ||||||
