Sovetska distrikto (Krimeo)

Sovetska distrikto
rus. Советский район ukr. Совєтський район krim. İçki rayonı
La centro:	Sovetsko
Areo:	1 080 km2
Loĝantaro:	37 576 homoj (laŭ la jaro 2001)
Loĝ-denso:	34,79 hom/km2
Telefon-kodo:	+380-6551
En la distrikto estas: — Urboj — Urbotipaj loĝlokoj — Vilaĝoj — Loĝloketoj	0 1 39 0
Oficiala paĝaro nekonata

Sovetska distrikto (rus. Советский район, ukr. Совєтський район, krim. İçki rayonı) estas unu el la administraj partoj de Aŭtonoma Respubliko Krimeo (Ukrainio). Ĝi situas en la nord-orienta parto de la Krimea duoninsulo; norde kaj nord-oriente ĝi estas lavata de la golfo Sivaŝo. Oriente ĝi limas la Kirovskan distrikton, sude - la Belogorskan distrikton kaj okcidente - la Niĵnegorskan distrikton. La administra centro de la distrikto estas la urbotipa loĝloko Sovetsko.

Ekonomio

La ĉefa branĉo de la distrikta ekonomio estas agrikulturo. En la distrikto okazas aktiva ĝarden-kulturado kaj vinber-kultivado, oni multe kultivas grenojn, teĥnikajn kaj furaĝajn plantojn. La industriaj entreprenoj ĉefe rilatas al la prilaborado de la agrikulturaj produktoj: en la distrikto estas buter-produkta, vin-produkta, esenc-produkta uzinoj kaj kelkaj aliaj negrandaj entreprenoj.

Tra la regiono pasas la Nordkrimea kanalo, la fervoja linio Kerĉo-Ĝankojo. Diversaj loĝlokoj de la distrikto estas interligitaj per la busa trafiko.

Socia sfero

En la distrikto estas 16 mezlernejoj, kelkaj teĥnikaj lernejoj, distrikta hospitalo, 23 kluboj, 25 bibliotekoj, muziklernejo, 2 muzeoj.

Administra divido de la distrikto

La Sovetska distrikto estas dividita je 12 komunumoj, kiuj sume havas 1 urbotipan loĝlokon (Sovetsko) kaj 39 vilaĝojn. Sube estas prezentita la listo de la komunumoj kaj de la loĝlokoj; kiel plene Esperantigitaj aperas la loĝlokoj, kiuj estas la centroj de la koncernaj komunumoj. Parenteze estas indikitaj la historiaj krime-tataraj nomoj, kiuj estis ŝanĝitaj en la jaroj 1945-49 post la ekzilo de la krime-tatara popolo (kelkaj loĝlokoj havas german-devenajn nomojn pro la fakto, ke antaŭe en la distrikto loĝis relavite multaj german-devenuloj).

• Sovetska komunumo
  • Sovetsko (krime-tatare İçki)
• Ĉapajevka komunumo
  • Ĉapajevko (Ĉapajevka, krime-tatare Çerkez Tobay)
  • Ĥlebnoje (Beys Lehem)
  • Kolomenskoje
  • Nikolajevka
  • Novij Mir
  • Novosjolovka (Antay)
• Ĉernozemna komunumo
  • Ĉernozemno (Ĉjornozjomnoje, krime-tatare Yañı Kerleut)
  • Almaznoje (Eski Kerleut)
  • Demjanovka (Azizköy)
  • Kornejevka (Qapçuq)
  • Razdolnoje
• Dmitrovka komunumo
  • Dmitrovko (Dmitrovka, krime-tatare Heyrus)
  • Rovenka (Qırq)
• Iljiĉeva komunumo
  • Iljiĉevo (Iljiĉjovo, krime-tatare Qıyanlı)
  • Djatlovka (Qarabay)
  • Nadeĵda (Şoltaq)
  • Reĉnoje (Qarabay İvanovka)
  • Ŝaĥtino (Aqköbek)
  • Vostoĉnoje (Üç Quyu)
• Krasnogvardejska komunumo
  • Krasnogvardejsko (Krasnogvardejskoje, krime-tatare Ver Börüs)
  • Loĥovka (Mengermen)
  • Luĉevoje (Sarğıl)
• Krasnoflotska komunumo
  • Krasnoflotsko (Krasnoflotskoje, krime-tatare Qaynaş)
  • Lebedinka (Şeyh Manay)
  • Markovo (Şaqul)
  • Varvarovka (Qır İçki)
• Nekrasovka komunumo
  • Nekrasovko (Nekrasovka, krime-tatare Qul Çora)
  • Barsovo (Bor Asan)
  • Oktjabrskoje (Ceppar Yurt)
• Pruda komunumo
  • Prudo (Prudi, krime-tatare Ableş)
  • Privolnoje
• Puŝkina komunumo
  • Puŝkino (Puŝkino, krime-tatare Esen Eki)
  • Makovka (Qoñrat)
• Uroĵajna komunumo
  • Uroĵajno (Uroĵajnoje, krime-tatare Fernheym)
  • Prisivaŝnoje
• Zavetna komunumo
  • Zavetno (Zavetnoje, krime-tatare Savurçı)
  • Pĉelniki (Aranda)

	La loĝlokoj de la Sovetska distrikto
Urbotipaj loĝlokoj	Sovetsko
Vilaĝoj	Almaznoje • Barsovo • Ĉapajevka • Ĉjornozjomnoje • Demjanovka • Djatlovka • Dmitrovka • Georgijevka • Ĥlebnoje • Iljiĉjovo • Kolomenskoje • Kornejevka • Krasnoflotskoje • Krasnogvardejskoje • Lebedinka • Loĥovka • Luĉevoje • Makovka • Markovo • Nadeĵda • Nekrasovka • Nikolajevka • Novij Mir • Novosjolovka • Oktjabrskoje • Pĉelniki • Prisivaŝnoje • Privolnoje • Prudi • Puŝkino • Razdolnoje • Reĉnoje • Rovenka • Ŝaĥtino • Uroĵajnoje • Varvarovka • Vostoĉnoje • Zavetnoje