Tretjakovskaja (stacio de Moskva metroo)

El Vikipedio, la libera enciklopedio
Saltu al: navigado, serĉo

MMMosmetro.svg 06Moskwa Metro Line 6.svg 08Moskwa Metro Line 8.svg

Tretjakovskaja
"Tretjakovskaja" kaj ĝiaj pasaĝeroj
"Tretjakovskaja" kaj ĝiaj pasaĝeroj
Situo
Lando Rusio Rusio
Urbo Moskvo
Situo Zamoskvoreĉje (Centra arondismento)
Geografia situo 55° 44′ 27″ N, 37° 37′ 39″ O55.74083333333337.6275Koordinatoj: 55° 44′ 27″ N, 37° 37′ 39″ O
Tretjakovskaja (Moskvo)
DEC
Tretjakovskaja
Situo de Tretjakovskaja
Kajoj 1
Historio
Malfermo 3-a de januaro 1971
Arkitektoj
Administrado kaj utiligado
Kodo de la stacio 085 (Kalininskaja linio)
097 (Kaluĵsko-Riĵskaja linio)
Linio Kalininskaja
Antaŭa stacio Posta stacio
- Marksistskaja
Linio Kaluĵsko-Riĵskaja
Antaŭa stacio Posta stacio
Kitaj-Gorod Oktjabrjskaja
v  d  r
Information icon.svg
Suda stacia halo
Norda stacia halo

"Tretjakovskaja" (ruse: Третьяко́вская) estas stacio de Moskva metroo en centra parto de Moskvo (distrikto Zamoskvoreĉje). Ĝi estas fina sur Kalininskaja linio kaj situas najbare de la stacio "Marksistskaja". Samtempe ĝi estas stacio de Kaluĵsko-Riĵskaja linio kaj situas inter la stacioj "Kitaj-Gorod" kaj "Oktjabrjskaja". Krome, de tie ekzistas transirejo al Zamoskvoreckaja linio (stacio "Novokuzneckaja").

Ĝia profundo estas 46 metroj. Arkitektoj - V.Polikarpova, A.Markova (suda halo), R.Pogrebnoj, V.Filippov (norda halo). Inĝenieroj-konstruistoj - Ju.Muromcev (suda halo), E.Ĉernjakova, M.Belova (norda halo).

La stacio havas du halojn (suda kaj norda), havantajn po unu kajo kaj du trakoj kaj kunligitajn per transirejo. Per komuna subtera vestiblo oni povas atingi elirejon en la urbon al la stratoj Bolŝaja Ordinka, Malaja Ordinka kaj Klimentovskij strateto.

La stacio estas malfermita por pasaĝeroj ĉiutage je 5:35-1:00.

Nomo[redakti | redakti fonton]

Sian nuntempan nomon "Tretjakovskaja" ricevis de situanta proksime Tretjakova bilda galerio.

Ĝis junio de 1983 la stacio estis nomita "Novokuzneckaja" (nun tiel nomiĝas kunligita stacio de Zamoskvoreckaja linio). Dum plivastigo de Moskva metroo ĝi estis alinomigita. Decido pri alinomigo aperis du monatojn antaŭe[1].

Historio[redakti | redakti fonton]

La suda halo estis malfermita la 3-an de januaro 1971. Dekomence "Tretjakovskaja" estis stacio de Kaluĵsko-Riĵskaja metrolinio.

La 11-an de januaro 1986 ekfunkciis la norda halo. Dum sekvintaj du semajnoj unu vojo de la suda halo estis komutita al linio Kalininskaja, kaj la 25-an de januaro 1986 oni malfermis trafikon laŭ "flava" linio.

Dekoro[redakti | redakti fonton]

Muroj ĉe la trakoj en suda halo estas faritaj el griza marmoro, planko estas kovrita de griza granito. Muroj de la norda halo estas kovritaj de rozkolora marmoro; la muroj estas dekoritaj per bronzaj portretoj de rusiaj pentristoj (aŭtoro - A.Burganov).

Akcidentoj[redakti | redakti fonton]

  • La 1-an de januaro 1998 trajna stiristo trovis en vagono suspektindan forlasitan saketon kun dratoj. Ĝi estis metita al ĉambreto de stacia deĵorantino kaj post duonhoro eksplodis. Pro tio estis vundita la deĵorantino kaj iomete suferis du ordigistinoj. Kialoj de la ago ĝis nun estis ne ĵuste konataj; el eblaj variantoj oni nomas huliganecon aŭ ekonomiajn kialojn[2].
  • La 27-an de aprilo 2009 unu pasaĝero pereis, hazarde falinte sur la relojn[3]. La 24-an de oktobro 2013 ebria pasaĝero falis sur la relojn; trafiko estis dum nelonge interrompita, la homo elvivis[4].
  • La 24-an de februaro 2010 okazis amasa interbatado en la vagono, serioze interrompiginta vetuadon de trajnoj. Pri ĝiaj kialoj amaskomunikiloj ne informis[5]. Estis ankaŭ aliaj similaj eventoj.

Mencioj en beletro[redakti | redakti fonton]

En la rusa literaturo[redakti | redakti fonton]

La stacio estas unu el gravaj lokoj de la romano de Dmitrij Gluĥovskij "Metroo-2033" (ruse: Метро-2033), en kiu nemultaj survivintaj homoj post nuklea milito vivas en metroo.

Interesaj faktoj[redakti | redakti fonton]

Nomo de stacio sur ĝia muro
  • Pro siaspeca organizado de trafiko "Tretjakovskaja" havas "transplatformajn transirejojn": por trafi la alian metrolinion oni transiras al alia flanko de la sama platformo. En ĉiu el du staciaj haloj trajnoj venadas al ambaŭ vojoj samdirekte. Tiu ĉi sistemo estas oportuna por pasaĝeroj, sed por multaj estas konfuziga.
  • Laŭ planoj de evoluo de Moskva metroo, Kalininskaja linio estos plilongigita, kaj post Tretjakovskaja aperos 15 novaj stcioj (nun la linio havas nur 8 staciojn). Parte la nova linio jam estas konstruata[6].

Eksteraj transirejoj[redakti | redakti fonton]

  • Aŭtobusoj: № 25.
  • Trolebusoj: № 8.

Referencoj[redakti | redakti fonton]

Vidu ankaŭ[redakti | redakti fonton]

Proksimaj objektoj:

Eksteraj ligiloj[redakti | redakti fonton]