Visalia (Kalifornio)
Visalia estas grandurbo en Usono, en subŝtato Kalifornio, en Kantono Tulare.
Bazaj informoj
- Koordinatoj: 36° 19′ N 119° 18′ U / 36.317 °N, 119.300 °U (mapo)Koordinatoj: 36° 19′ N 119° 18′ U / 36.317 °N, 119.300 °U (mapo)
- Areo: 94 km²
- Loĝantaro: 124.442 (en 2010)
- Supermara alteco: 101 m
- Horzono: UTC-8h (en somero UTC-7h)
- Poŝtkodoj: 93277-93279, 93290-93292
- Telefonkodo: 559
Geografio
Visalia situas en la sudokcidenta landparto de Usono, en la meza parto de la subŝtato, en Valo San Joaquin. Los Anĝeleso troviĝas 310, San Francisco 370 km.
Historio
En la nuna Visalia indianoj vivis dum jarmiloj. Laŭ dokumento la unuaj eŭropanoj alvenis en 1722. Visalia estis fondita en 1852, kaj en la sekva jaro ĝi iĝis provizora kantona administrejo. Tiutempe multaj serĉis orojn en la proksimeco. En 1860 la urbeto ricevis telegrafan ligon. Visalia oficiale urbiĝis en 1874.
Ekonomio
En apudaĵo de Visalia oni okupiĝas pri agrikulturo (precipe vinberoj, olivoj, kotonoj, citronoj). En la urbo oni produktas elektronikaĵojn kaj paperojn.
Trafiko
Visalia havas urban flughavenon. Aŭtovojoj estas atingeblaj al Bakersfield kaj Fresno.
Klimato
Visalia situas precipe en mediteranea klimato (iomete en dezerto klimato) laŭ klimata klasifiko de Köppen. La temperaturo averaĝe varias inter 10-24 °C, en julio averaĝe kun 35 °C, en decembro averaĝe kun 3 °C. Jare pluvas po 276 mm. La pluvo kulminas en januaro, julie kaj aŭguste praktike ne pluvas. Neĝo estas malofta en la urbego.
Vidindaĵoj
- teatro Fox
- historiaj konstruaĵoj, ekzemple Banko de Italio, malnova poŝtejo
- Nacia Parko Sekvoja en la proksimeco (58 km)
Famuloj
En Visalia naskiĝis Robert B. Laughlin kaj Bryan Allen.
Ĝemelurboj
Fontoj
- Képes Világatlasz ISBN 963 8475 38 2
- Tiu ĉi artikolo tradukiĝis helpe de Guglo, estis prenitaj nur tiuj frazpartoj, kiuj estis sencohavaj el anglalingva Vikipedio
