Souvanna Phouma
| Souvanna Phouma | |
|---|---|
_(cropped).jpg)
| |
| Persona informo | |
| Naskiĝo | 7-an de oktobro 1901 en Luampabano |
| Morto | 10-an de januaro 1984 (82-jaraĝa) en Vjentiano |
| Lingvoj | laŭa • franca |
| Ŝtataneco | Laoso |
| Alma mater | Alpa Universitato de Grenoblo • Universitato de Parizo |
| Familio | |
| Patro | Bounkhong |
| Edz(in)o | Aline Claire Allard |
| Infanoj | 4 |
| Okupo | |
| Okupo | politikisto |
Souvanna Phouma [suvana fuma] (Luang Prabang, 7-an de oktobro 1901 - Vjentiano, 10-an de januaro 1984) estis laosa ĉefministro la tria filo de la princo Boun Khong kaj nevo de Sisavang Vong, la reĝo de Laoso [1]. Post superaj studoj en Hanojo [2] kaj en Francio, li akiris diplomon de inĝeniero en publikaj konstruoj kaj revenis en Laoson en 1931. Tie li edziĝis kun Aline Allard (alin alar), estonta konsilantino de la Franca Unuiĝo, filino de franco kaj de laosanino.
En 1940, li fariĝis direktoro de la Publikaj Konstruoj de Laoso kaj tiel iĝis alta funkciulo de Hindoĉinio [3][rompita ligilo]. Li estis ĉefministro de Laoso dum pluraj periodoj : 1951-1954, 1956-1958, 1960, 1962-1975. Dum unua mandato de ĉefministro, li interkonsentis kun Francio, en 1953, traktaton per kiu Laoso sendependiĝis. Li strebis al politiko de neŭtraleco, paco kaj nacia unueco. La subteno de Usono al la dekstrularo fiaskigis, pro radikaliĝo, lian politikon de malfermiteco al la komunista partio Pathet Lao (Laosa Patriota Fronto), subtenata de Vjetnamo kaj Sovetio, por starigo de nacia registaro. En 1974, koratako devigis lin al longdaŭra kuracado en Francio. En 1975, post retiriĝo de Usono, Pathet Lao kaptis la povon.