Wilhelm Maybach
| Wilhelm Maybach | |
|---|---|
 Wilhelm Maybach en 1900 | |
| Persona informo | |
| Nomo | Wilhelm Maybach |
| Dato de naskiĝo | 9-a de februaro 1846 |
| Naskiĝloko | Hajlbrono |
| Dato de morto | 29-a de decembro 1929 |
| Mortoloko | Stutgarto |
| Aĝo je morto | 83 |
| Okupoj kaj profesioj | |
| Okupoj | inĝeniero kaj entreprenestro |
| Geografio | |
| Ŝtato | Germanio |
| Familio | |
| Infano | Karl Maybach [+] |
| Lingvoj | |
| Parolata lingvo | germana lingvo [+] |
| Ceteraj informoj | |
| Honorigo | Nacia Inventista Halo de Famo, honorary doctorate from the University of Stuttgart, Grashof Commemorative Medal [+] |
| Portalo pri Homoj | |
Wilhelm Maybach (naskiĝis la 9-an de februaro 1846 en Hajlbrono, mortis la 29-an de decembro 1929 en Stutgarto) estis germana inĝeniero kaj entreprenestro Li estis amiko, disĉiplo kaj kunlaboranto de Gottlieb Daimler, eltrovisto de la eksplodmotoro. Li estis fondinto de la aŭtomobila firmao Maybach.
Kiam li estis 10-jaraĝa, li iĝis orfano kaj estis akceptita de karitata organizaĵo kaj lernis en la "Bruderhaus" de Reutlingen, kies direktoro Gustav Werner kuraĝigis liajn talentojn pri tekniko. En 1865, li amikiĝis kun Gottlieb Daimler, por kiu li laboris kiel inĝeniero pri eksplodmotoroj. En 1869, ambaŭ laboris en Karlsruhe, en fabriko mastrita de Nikolaus Otto. Ili konceptis malpezajn motorojn por teraj kaj aeraj veturiloj, kaj malvolvis motoron uzantan lumgason.
En 1872, Gottlieb Daimler kaj Nikolaus Otto asociiĝis por fondi la firmaon Deutz AG, Wilhelm Maybach sekvis ilin.
-
La Reitwagen, unua motorciklo de Daimler kaj Maybach -
La Mercedes Simplex (1902)
En 1882, Gottlieb Daimler kaj Wilhelm Maybach fondis ilian propran fabrikon, ili plibonigis la kvartaktan motoron de Beau de Rochas. En 1885 ili fabrikis la unuan motorciklon (el ligno), kaj muntis ilian motoron al ŝipo, sledo, ĉevaltira veturilo, tramoj kaj fajroestingistaj pumpiloj.
En 1889 ili finpretigis la Stahlradwagen[1], unua aŭtomobilo kun eksplodmotoro kaj karburilo, prezentita en la Internacia ekspozicio de Parizo de 1889.
En 1890 Gottlieb Daimler fondis la firmaon Daimler Motoren Gesellschaft kies ĉef-inĝeniero Maybach estis. Post la morto de Gottlieb Daimler (1900), Maybach asociiĝis kun ties filo Paul Daimler. Li konceptis novan vetkuran aŭtomobilon por la aŭsto-hungara konsulo kaj aferisto Emil Jellinek, kiu kromnomis la veturilon: "Mecedes" persona nomo de sia filino. Emil Jellinek aniĝis la administrantaron de la firmao kaj aĉetis rajtojn por subvendi tiajn aŭtomobilojn sub la marko Mercedes-Benz.
En 1907, Wilhelm Maybach maldungiĝis el Daimler Motoren Gesellschaft, kaj kun sia filo Karl Maybach, li fondis la fabrikon de motoroj kaj aŭtomobiloj Maybach, Li entreprenis konstruon de motoroj por zepelinoj kaj, pli malfrue, de luksaj aŭtomobiloj.
En 1912, li instaliĝis en Friedrichshafen kaj iom pos tiom lasis la mastradon de la firmao al sia filo.
Notoj kaj referencoj[redakti | redakti fonton]
- ↑ france/angle: france/angle:[rompita ligilo] (el la paĝaro de Histomobile) hispane Arkivigite je 2009-02-27 per la retarkivo Wayback Machine (el la paĝaro de Mercedes Benz)
Eksteraj ligiloj[redakti | redakti fonton]
- hispane Benz, Daimler, Maybach kaj Jellinek Arkivigite je 2009-03-27 per la retarkivo Wayback Machine
- germane Wilhelm Maybach, biografio Arkivigite je 2009-06-24 per la retarkivo Wayback Machine
- france 100-jara jubileo de Maybach