Jerzy Żuławski

Jerzy Żuławski
Persona informo
Naskiĝo	14-an de julio 1874 (1874-07-14) en Glinik, Podkarpackie Voivodeship
Morto	9-an de aŭgusto 1915 (1915-08-09) (41-jaraĝa) en Dębica
Mortis pro	Naturaj kialoj vd
Mortis per	Tifo vd
Lingvoj	pola vd
Ŝtataneco	Aŭstrio-Hungario vd
Familio
Dinastio	Q63532193 vd
Edz(in)o	vd
Infanoj	Wawrzyniec Żuławski (en) , Marek Żuławski (en) , Juliusz Żuławski (en) vd
Profesio
Okupo	poeto sciencfikcia verkisto filozofo tradukisto verkisto vd
Aktiva en	Berno vd
Verkado
Verkoj	Trylogia Księżycowa vd
Honorigoj Honorigoj  Cross of Independence (en) vd
vd	Fonto: Vikidatumoj

Jerzy Żuławski blazono Szeliga (naskiĝis la 14-an de julio 1874 en Lipowiec apud Rzeszów, mortis la 9-an de aŭgusto 1915 en Dębica) – pola filozofo, verkisto, poeto kaj dramaturgo de Juna Pollando. Kune kun Władysław Umiński kaj Antoni Lange unu el antaŭuloj de la pola sciencfikcio. Kiel poeto reprezentanto de dekadencismo kaj katastrofismo. Aŭtoro de simbolaj dramoj kaj poezia prozo, ankaŭ de filozofiaj eseoj.

Publikaĵoj

Romanoj

• Ciklo Trylogia księżycowa (eo. Luna trilogio), 1903-1911
• Ciklo Laus feminae, 1914-1916

Kolektoj de poezio

• Na strunach duszy (eo. Sur la kordoj de animo) (1895)
• Z domu niewoli (eo. El la domo de mallibero) (1902)

Popularsciencaj libroj

• Benedykt Spinoza. Człowiek i dzieło (eo. Benedikto Spinozo. La homo kaj verko) (1902)

En Esperanto aperis

• La kiso, trad. M., en: Pola Esperantisto 1911, p. 95.
• Fabelo pri homo feliĉa, trad. M. Czerwinski, proks. 1911.
• Pax, trad. Wladyslaw Grabowski, 1912, 32 paĝoj.
• El taglibro de lunano, trad. Icek Jurysta, en: Literatura Mondo, aŭgusto 1923.
• La vendita animo, trad. J. Ŝapiro, en: Pola Esperantisto 1934, p. 63.

Recenzoj

Pri Pax

„ Lastilo de la esperanta traduko estas bonega, inda je pli taŭga temo. Tri junuloj, riĉaj, sanaj kaj bone edukitaj, serĉinte la feliĉon kaj trovinte nur enuon, malkuraĝiĝas antaŭ la enigmo de la vivo kaj serĉas la pacon (tio klarigas la titolon de la broŝuro) laŭ tri diversaj manieroj: per memmortigo, per monaĥa vivo, per edzeco. Sed Ĉu iu el la tri efektive sukcesas trafi sian celon, ne estas dirite. Ekzistas en tiu ĉi libreto eĉ,ne unu noto de espero, ne unu proveto klarigi la dubojn, kiujn ĝi vekas, ne unu nova penso, nenio amuza, nenio edifa, nur amaso da bela, sencela lingvaĵo. Ekzistas ja unu certa rimedo por “forkuri de si mem,” sed pri ĝi la aŭtoro eĉ ne indigas aludi. Mi demandas min, kial oni verkas tiajn verkojn, kaj kial oni ilin legadas. Mi nur povas konkludi, ke la vivo ne enhavas tiom da mizeroj, kiom mi supozis, kaj tial unuj homoj estas devigataj serĉi ilin en libroj. Ho, feliĉa mondo! ho senzorga tempaĝo ! ” — A.E.W. La Brita Esperantisto - Numero 092, Aŭgusto (1912)

Bibliografio

• A. Niewiadowski, A. Smuszkiewicz, Leksykon polskiej literatury fantastycznonaukowej (Leksikono de pola literaturo sciencfikcia). Wydawnictwo Poznańskie, 1990.
• Żuławski, sejm-wielki.pl

Eksteraj ligiloj

• Żuławski, Culture.pl