Ĥarasaveja minejo
| Ĥarasaveja minejo | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ruse Харасавейское месторождение | |||||||||||||||||||||||||||
| gasminejo | |||||||||||||||||||||||||||
| |||||||||||||||||||||||||||
Ĥarasaveja minejo estas la gasokondensata minejo kiu situas en Jamala-Neneca aŭtonoma distrikto (Tjumena provinco, Rusio), en la nord-okcidenta parto de duoninsulo Jamalo, 480 km norde de la urbo Saleĥardo, kaj estas parto de la Okcidentsiberia naftogasa provinco. Ĝi estis malkovrita en 1974 kaj ekspluatata ekde 1975.
Geologio
[redakti | redakti fonton]La minejo estas ligita al la norda finaĵo de la Nurmina megamuro. Sude ĝi juntas al la Kruzenŝterna minejo, nord-okcidente ĝi profundiĝas en akvarion de la Karaa maro. Ĝi estas formita de kenozoikaj, kretaceaj kaj ĵurasiaj sedimentaĵoj, kune dikaj 5-7 km. Laŭ tegmento de cenomanianaj sedimentaĵoj de supra kretaceo la minejo estas granda antiklinala faldo, grandeco 58 x 16 km, amplitudo 110 m.
Tergaso troviĝas en la grejso-aleŭrolitaj kretaceaj sedimentaĵoj de cenomaniano, albiano, aptiano, novkomo, meze kaj malsupra ĵurasio. Je la fundo 718-3335 m estas trovitaj 22 kuŝejoj, inkluzive 5 gasajn kaj 17 gasokondensatajn.
La cenomanianaj sedimentaĵoj kuŝas je la fundo 718-801 m. Ilia gasosaturita dikeco estas 35,7 m. Poreco de la kolektujoj 31,5%. Gasosatureco 0,75. La komenca tavolpremo 8,95 MPa. Oni elminigis en 2002 ĝis 522 mil m³ diurne. Gasakva kontakto estas registrita je la absoluta marko de -787 ĝis -791 m. La gaso estas ĉefe metana (98,6%). Produktohavaj sedimentaĵoj de la supra parto de la tanopĉa tavolaro de turoniano de la supra kretaceo troviĝas je la fundo 1398-1559 m. Gasohava dikeco estas 50,9 m, poreco 25,3%, la komenca tavolpremo 15,5 MPa.
La malsupraj produktohavaj sedimentaĵoj de la sama tavolaro troviĝas je la fundo 1500-2735 m, gasosaturita dikeco estas 3,8 ĝis 17,6 m, poreco 14-23%, la komenca tavolpremo 16-49,7 MPa.
La ĵurasiaj sedimentaĵoj troviĝas je la fundo 3280-3335 m, gasosaturita dikeco estas 2-2,4 m, poreco 15%, gasosatureco 0,7, la komenca tavolpremo 63,3 MPa. Elminigado de gaso en la ĵurasiaj sedimentaĵoj okazas po 800-100 mil m³ diurne. Ju pli funde des pli grandas enhavo de homologoj de metano (kresko de 0,03 ĝis 8%) kaj kondensato (de 2,5 ĝis 203 gramoj/m³). La kuŝejoj estas tavolaj volbaj, masivaj kaj tavolaj. La volbaj kuŝejoj estas litologie ŝirmitaj. Gasakva kontakto estas registrita je la absoluta marko de -790 ĝis -2415 m.
En 2002 la komenca esplorita gaskapacito estis taksita je 1259 miliardoj da kubaj metroj, elminigado sumis je 1 miliardo da kubaj metroj.
Literaturo
[redakti | redakti fonton]- Старосельский, В. И.. [2004] Р. И. Вяхирев: Харасавейское месторождение // Российская газовая энциклопедия (ruse). Москва: Большая Российская энциклопедия, p. 481. ISBN 5-85270-327-3.