Biontech
| Biontech | ||
|---|---|---|
| Biontech | ||
| ||
| ||
| negoco • entrepreno • publika kompanio • pharmaceutical company vd | ||
| Dum | junio 2008 - nekonata/nuntempe | |
| Jura formo | eŭropa kompanio | |
| Fondita | 2008 | |
| Sidejo | Majenco, Germanio | |
| Lando | Germanio | |
| Estr(ar)o | Uğur Şahin | |
| Dungitoj | 1941 (stato de 2020) | |
| Spezosumo | 2,8 miliardoj da Eŭroj (en 2020) | |
| Agokampo | farmacia industrio | |
| kuracilo • vakcino • vakcino kontraŭ KOVIM-19 • Tozinameran | ||
| ISIN-kodo | US09075V1026 | |
| Posedata de | AT Impf vd | |
| filiaj kompanioj | JPT Peptide Technologies (Germany) vd | |
| TTT | biontech.de/ | |
Biontech SE (propra literumo BioNTech, formita el la angla Biopharmaceutical New Technologies, prononco: biˈɔntɛk aŭ baɪ̯ˈɔntɛk) estas germana bioteknologia firmao kiu estas bazita en Majenco kaj estas listigita en la borso NASDAQ en Novjorko ekde la fino de 2019. Ĝi koncentriĝis pri la evoluo kaj fabrikado de aktivaj imunoterapioj por pacient-specifa aliro al la terapio de kancero kaj aliaj gravaj malsanoj, same kiel koronavirus-preventado. Biontech temigas esploradon en medikamentojn bazitajn sur mRNA. Ĉi tiuj povas esti uzataj kiel individuigitaj kanceraj imunoterapioj, kiel vakcinoj kontraŭ infektaj malsanoj kaj kiel proteinaj anstataŭigaj terapioj por maloftaj malsanoj. Krome, la firmao estas aktiva en la esplorado de programeblaj ĉelterapioj ("inĝenierita ĉelterapio"), novaj antikorpoj kaj malalt-molekulaj imunomodulantoj ("malgrandaj molekuloj") kiel terapielektoj por kancero.
Biontech estas la unua firmao se temas pri evoluigi mRNA-bazitan homan terapian agenton por intramuskola administrado, por alporti individuigitan mRNA-bazitan kancerimunoterapian en klinikajn studojn, kaj por establi sian propran produktadprocezon por tia produktokandidato. Dum la pandemia Kronvirusa malsano de 2019, la kompanio komencis partnerecon kun la internacia farmacia konzerno Pfizer por produkti kaj provizi vakcinon kontraŭ SARS-CoV-2. En decembro 2020, la BNT162b2-vakcino (ankaŭ nomata "Tozinameran") estis la unua KOVIM-19-vakcino ricevinta aprobon en Usono, Eŭropa Unio kaj multaj aliaj landoj. La vakcino estas interalie fabrikata de la fabrikejoj de Pfizer. Ĝi estas la unua aprobita produkto de la firmao Biontech - laŭ la firmao, ĉirkaŭ 20 eblaj medikamentoj estas en la evolufazo
Historio
En aŭgusto 2018, la kompanio anoncis, ke ĝi subskribis interkonsenton kun la farmacia kompanio Pfizer por evoluigi mesaĝistan RNA-bazitan vakcinon kontraŭ la gripo [1]. Laŭ la interkonsento, post kiam "Biontech" kompletigos la fazon 1 de klinika provo de la vakcino, Pfizer daŭrigos kun la ceteraj provaj kaj komercfazoj.
En septembro 2019, la kompanio subskribis interkonsenton kun la Fondaĵo Bill kaj Melinda Gates por programo por batali tuberkulozon kaj HIV [2].
En decembro 2019, la kompanio ricevis financadon en la kvanto de 50 milionoj da eŭroj de la Eŭropa Investa Banko [3].
En januaro 2020 kun la eksplodo de la koronvirusa pandemio, ĉirkaŭ 500 el la dungitoj de la firmao estis asignitaj por evoluigi vakcinon kontraŭ la korona virusa malsano de 2019, bazita sur teknologio evoluigita en la firmao por trakti aliajn malsanojn. La klopodoj de la firmao estis aligitaj fare de Pfizer, kiu verŝis centojn da milionoj da dolaroj en la evoluprocezon,kaj distribuis la vakcinon post ĝia aprobo en decembro 2020. La du kompanioj subskribis interkonsentojn kun pluraj landoj por provizi centojn da milionoj da vakcinoj [4].
Referencoj
- ↑ "BioNTech Signs Collaboration Agreement with Pfizer to Develop mRNA-based Vaccines for Prevention of Influenza". BioNTech press release. 16a de aŭgusto 2018.
- ↑ BioNTech Announces New Collaboration to Develop HIV and Tuberculosis Programs, Business Wire, 4a de septembro 2019
- ↑ "European Investment Bank provides funding of €50 million to BioNTech as part of the Investment Plan for Europe". European Commission. 17a de decembro 2019.
- ↑ Information about Covid-19 vaccine develpment at BioNTech
Eksteraj ligiloj
- Oficiala retejo (germane kaj angle)