Ajodjo

Larĝa panoramo de Ajodjo

Ajodjo
Administrado
Lando	Barato
Federacia ŝtato	Utar-Pradeŝo
Distrikto	Faizabad
Poŝtkodo	224123 [+]
Demografio
Loĝantaro	55 890  (2011) [+]
Loĝdenso	700 loĝ./km²
Geografio
Geografia situo	26° 48′ N, 82° 12′ O (mapo)26.882.2
Alto	93 m [+]
Areo	79,8 km² (7 980 ha) [+]
Horzono	UTC + 05:30
DEC Situo de Ajodjo
DEC Situo de Ajodjo
Alia projekto
Vikimedia Komunejo Ayodhya [+]

Ajodjo (hindie अयोध्या, ayodhyā) estas antikva urbo en Barato. Ĝi estis la ĉefurbo de la iama gubernio Awadha, nun en la samnoma distrikto de Utar-Pradeŝo (ekde 2018). En la Ramajano, Ajodjo estis la ĉefurbo de Kosalo kaj la naskiĝloko de Ramo. En Palio, la urbo nomiĝis Ayojjhā. Dum la brita regno la regiono ĉirkaŭ Ajodjo nomiĝis Oudh. Ĝi estas sur la dekstra bordo de la rivero Sarajuo, 555 km oriente de Nov-Delhio. En Sanskrito, la vorto "ayodhyā" signifas "lokon kontraŭ kiu oni ne militu". Laŭ kelkaj sanktaj libroj de hinduismo (ekz. Brahmanda Purana) Ajodjo estas unu el la plej sanktaj lokoj de la lando.

Dum la unuaj kelkaj jarcentoj de la komuna erao, Ajodjo nomiĝis Saketo (Sāketa). La urbon Saketa venkis la reĝo Kaniŝko de la kuŝana dinastio. Li faris ĝin la administra centro de liaj orientaj teritorioj. Ne estas klare kiam la nomo ŝanĝiĝis, sed jam dum la vizito de ĉina pilgrimo la en l-a 7a jarcento KE, la urbo jam nomiĝis Ayodhyā.

Vojo en Ajodjo

Geografio

Ajodjo situas sur ebenaĵo laŭ flankorivero sur averaĝa alteco de 93 m. super la marnivelo. Fajzabad (Barato) troviĝas nur 7, Gonda (urbo) 43, Sultanpur 60, Basti 56, Akbarpur (Ambedkar Nagar) 61, Barabanki 102, Rajbareli 113, subŝtata ĉefurbo Laknaŭo 124, Kanpur 194, Agra 415, tutlanda ĉefurbo Delhio 532, Kolkata 780, Mumbajo 1295 kilometrojn (aere) [1].

Lingvoj

En Fajzabad la oficiala lingvo estas la hindia, al kiu aldoniĝis la urdua, krome la loka en:Awadhi language.

Trafiko

En Ajodjo flughaveno funkcias. La fervoja kaj voja kontaktoj estas tre bonaj. Pontoj helpas la trafikon.

Klimato

Ajodjo situas en subtropika klimato laŭ klimata klasifiko de Köppen (Cwa). La temperaturo varias inter 17-32 °C. En la plena jaro pluvas averaĝe 1103 mm, plej ofte pro la sudokcidenta musono inter junio-septembro.

Famuloj

• Aŝvagoŝo

Referencoj

Bibliografio

• Goel, S. R. (2009). Hindu temples, what happened to them. New Delhi: Voice of India.
• Narain, Harsh (1993). The Ayodhya temple-mosque dispute: Focus on Muslim sources. Delhi: Penman Publishers.
• Elst, K. (2002). Ayodhya: The case against the temple. New Delhi: Voice of India.
• Jain, Meenakshi (2013). Rama and Ayodhya. Delhi:Aryan Books International.

Domoj en Ajodjo

Riverbordo en Ajodjo