Antonio López Villanueva
| Antonio López Villanueva | ||
|---|---|---|
| ||
| Persona informo | ||
| Naskiĝo | 6-an de februaro 1857 | |
| Morto | 18-an de decembro 1934 (77-jaraĝa) | |
| Lingvoj | Esperanto • hispana vd | |
| Ŝtataneco | Hispanio  vd
| |
| Profesio | ||
| Okupo | esperantisto vd
| |
| vd | Fonto: Vikidatumoj | |
Antonio LÓPEZ VILLANUEVA (naskiĝinta en 1857 en Molina del Segura, Murcia Regiono, mortinta en 1934) estis hispana esperantisto, instruisto, muzika komponisto kaj gitaristo. Li estis aŭtoro de kelkaj el la plej gravaj lernolibroj kaj vortaroj de la unuaj periodoj de la Esperanto-movado en Hispanio.
Li estis esperantisto de 1902, danke al la amikeco kun Ricardo Codorniu, ankaŭ loĝanta en Murcio. Li verkis diversajn gramatikojn kaj vortarojn (la unuan en 1902), precipe kunlabore kun Vicente Inglada Ors. Li kunlaboris al „Tra La Mondo“, „La Revuo“ kaj „Juna Esperantisto“. Li estis membro de la Lingva Komitato.
Kiel muzikisto, li komponis diversajn muzikpecojn, ĉefe por gitaro. Siaepoke li akiris grandan prestiĝon kun la sesopo Thader, de kiu li estis direktoro, kaj kreis grandan kolekton de verkoj por ensemblo de ses muzikiloj.
Li krome estis enciklopedieca humanisto, kaj studis pentrarton, astronomion, medicinon kaj pedagogion.
En 2009, liaj posteuloj donacis liajn verkojn al la muzika centro de la Ĝenerala Arĥivo de la Regiono de Murcio [1]
Verkoj
[redakti | redakti fonton]- kun Vicente Inglada Ors : Vocabulario Esperanto-Espanol y Espanol-Esperanto. Eld. José Espasa, Barcelona, 1905.
