Blazono de Kazaĥio

El Vikipedio, la libera enciklopedio
Jump to navigation Jump to search
Blazono de Kazaĥio
La ŝtata emblemo
La ŝtata emblemo
Uzata ekde: la 25-a de decembro 1991
v  d  r
Information icon.svg

La ŝtata blazono aŭ oficiale emblemo de Kazaĥio konsistas el blazonŝildo ornamata per la flago de Kazaĥio. Ĝi ekzistas ekde la disfalo de la Sovetunio kaj oficiale konfirmiĝis la 25-an de decembro 1991.

La aŭtoroj estas Ŝandarbek Melibokov kaj Ŝota Ualiĥanov, kies blazona propono venkis kontraŭ 67 aliaj temoj prezentata en 245 skizoj.

Priskribo[redakti | redakti fonton]

Ŝangirak, krono de kazaĥa jurto (familia tendo de centraziaj nomadoj)

La blazono havas cirklan formon kaj desegniĝis en la koloroj helbluo kaj flavo, kiuj ankaŭ dominas la nacian flagon. La helbluo simboligu la ĉielon kaj la tjurkan etnaron, al kiuj apartenas la kazaĥoj, kaj laŭ la regiona simbologio ankaŭ estas la koloro de kuraĝo kaj donacemo. La flavo simboligu la agrikulturon, kiu dum la sovetunia epoko ekfloris en Kazaĥio, aparte ĝi memorigu pri la suno kaj pri tritiko. Ĉe la dekstra kaj maldekstra flankoj de la blazono videblas du legendaj unukornoj kun flugiloj, kiuj rigardas dekstren kaj maldekstren kaj gardu la landon kontraŭ danĝeroj de ekstere. Ĉe la supra rando de la blazono poziciiĝis kvinpinta stelo, kiu memorigu pri la socialisma regado kiu senteblu ankoraŭ nun. Kaj en la suba parto de la bildo aldoniĝis tekstobanderolo kun la vorto „ҚАЗАҚСТАН“ ("Kazaĥstan") – la kazaĥlingva vortumo de Kazaĥio.

En la mezo videblas simbolo nomata Ŝangirak, kazaĥe en cirila alfabeto Шаңырақ, en latina alfabeto Şañıraq, la krono de kazaĥa jurto (familia tendo de centraziaj nomadoj). La simbolo reprezentu la historian heredaĵon de la lando kaj la rigardon en la estontecon.