Bürglen UR
| Bürglen | |
|---|---|
 | |
 | |
| komunumo en Svislando | |
| Kantono | Urio |
| Distrikto | En Kantono Urio ne ekzistas distriktoj |
| Koordinatoj | 46° 52′ 31″ N 8° 39′ 47″ O / 46.87528 °N, 8.66306 °O (mapo)Koordinatoj: 46° 52′ 31″ N 8° 39′ 47″ O / 46.87528 °N, 8.66306 °O (mapo) |
|
| |
| Areo | 53,14 km² |
| Alteco | 525 m super marnivelo |
| Poŝtkodo | 6463 |
| Komunumkodo | 1205 |
 | |
Bürglen estas komunumo en Kantono Urio, en Centra Svislando. Ĝi havis 3920 loĝantojn je la 31-a de decembro 2008.
Geografio
[redakti | redakti fonton]Bürglen situas oriente de la kantonĉefkomunumo Altdorf ĉe la elirejo de la Schächen-Valo, tra kiu fluas la rivero Schächen, alfluanto de Reuss. En okcidento la teritorio de la komuno kvazaŭ kiel fingro inter Schattdorf kaj Altdorf atingas laŭlonge de la rivero Schächen la bordon de Reuss. Krom la ĉefvilaĝo la komunumo konsistas el tuta aro da malgrandaj dissternitaj setlejoj.
Najbaraj komunumoj
[redakti | redakti fonton]La komunumo Bürglen limas en nordnordokcidento al Sisikon, en nordo al Riemenstalden (SZ), en nordoriento kaj oriento al Muotathal (SZ), en sudoriento al Unterschächen, en sudo al Spiringen en sudokcidento al Schattdorf, en okcidentsudokcidento al Attinghausen, en okcidento al Altdorf, kaj en okcidentonordokcidento al Flüelen.
Trafiko
[redakti | redakti fonton]Bürglen situas ĉe la okcidenta ramplo de la vojo al Klausen-Pasejo. La komunumo estas konektita al la publika transportreto per poŝtaŭtolinioj al Altdorf, Unterschächen kaj Flüelen, kaj dum la someraj monatoj, kiam la pasejo estas malfermita ankaŭ al Linthal en Kantono Glaruso. La plej proksima alveturejo al la svisa aŭtovojo A2 situas 4 kilometrojn okcidente en Altdorf.
Historio
[redakti | redakti fonton]Arkeologiaj trovaĵoj el la 2-a jarmilo a.K. pruvas, ke la Bürglen jam en la malfrua bronzepoko estis loĝata. Dum mezepoko Bürglen estis posedaĵo de la Virina Monaĥejo Zuriko.
La unua dokumenta mencio de la nomo datiĝas el la jaro 857 sub ĝia latina nomo Burgilla. En la jaro 875 menciiĝis la unuan fojon la pastra preĝejo Sankt-Petro kaj Paŭolo. En ĝia aktuala formo ĝi estis konstruita en la jaro 1681 de la arkitekto Johann Jakob Scolar. Laŭ la legendo Bürglen estas la hejmo de la svisa nacia heroo Wilhelm Tell, kies monumento estas la rekonilo de la vilaĝo.
Vidu ankaŭ
[redakti | redakti fonton]- Aliaj lokoj kun la nomo Bürglen
Eksteraj ligiloj
[redakti | redakti fonton]
| ||||||
