Carl Støp-Bowitz
| Carl Støp-Bowitz | |
|---|---|
 Carl Støp-Bowitz en 1952 kun Peer Gynt en Esperanto | |
| Persona informo | |
| Naskiĝo | 8-an de decembro 1913 |
| Morto | 1-an de novembro 1997 (83-jaraĝa) |
| Tombo | Vår Frelsers gravlund en Oslo |
| Lingvoj | Esperanto • norvega |
| Ŝtataneco | Norvegio |
| Okupo | |
| Okupo | zoologo • esperantisto • marbiologo |
| Carl Støp-Bowitz | |||||
|---|---|---|---|---|---|
|
| |||||
| Persona informo | |||||
| Naskiĝo | 8-an de decembro 1913 | ||||
| Morto | 1-an de novembro 1997 (83-jaraĝa) | ||||
| Tombo | Vår Frelsers gravlund en Oslo vd | ||||
| Lingvoj | Esperanto • norvega vd | ||||
| Ŝtataneco | Norvegio vd | ||||
| Profesio | |||||
| Okupo | zoologo • esperantisto • marbiologo vd | ||||
| Laborkampo | Poliketoj • Lumbricidae vd | ||||
| |||||
| |||||
| vd | Fonto: Vikidatumoj | ||||
Carl STØP-BOWITZ [stepOvic], en Esperanto Karlo Step-Bovico[mankas fonto] (naskiĝis la 8-an de decembro 1913, mortis la 1-an de novembro 1997), estis norvega zoologo, prezidanto de Norvega Esperantista Ligo, prezidanto de Internacia Scienca Asocio Esperantista (ISAE), profesoro ĉe AIS.
Støp-Bowitz eklernis Esperanton en 1928 per norvega radiokurso kaj perfektigis sin en kurso gvidata de Andreo Cseh en Norvegio du jarojn poste. Li estis estrarano de Klubo Esperantista en Oslo 1931–1947, prezidanto de Norvega Esperantista Ligo de 1947–1977. Ekde 1949 li estis membro de la Akademio de Esperanto, ekde 1956 komitatano de UEA, de 1974 ĝis 1980 vicprezidanto de UEA.
Jam en 1935 Støp-Bowitz serĉis kunlaborantojn por planata "Zoologia vortaro Esperanta" (t.e. terminaro Esperanto - scienc-latina) (vd. la alvokon en La Praktiko 1935/4 (40), p. 7, 2a kol.). Zoologia kaj botanika nomenklaturoj dum multaj jardekoj interesis lin. Li tial "nature" ankaŭ fariĝis ĉefkunlaboranto pri zoologio kaj geologio en Plena Ilustrita Vortaro (PIV 1970).
Støp-Bowitz estis ofta preleganto ĉe la Internaciaj Someraj Universitatoj (ISU), kaj li multe verkis por Scienca Revuo, interalie pri zoologia nomenklaturo. Pri tiu ĉi temo li verkis ankaŭ libron en la norvega lingvo. Krome li kontribuis al Heroldo de Esperanto, Norvega Esperantisto k.a. periodaĵoj.
Støp-Bowitz estis Landa Delegito de la Internacia Scienca Asocio Esperanta (ISAE) por Norvegio ekde 1936 (kaj ĝis sia morto). La restarigo de tiu asocio post la dua mondmilito estas ĉefe lia merito, kaj li ankaŭ prezidis la asocion 1946–1949, sed poste retiriĝis en la vicprezidantecon. Tamen li kronis sian aktivecon por ISAE per dua prezidanta periodo, nome 1981–1996.
Verkaro[redakti | redakti fonton]
- Støp-Bowitz, Carl kaj Isbrücker, J.R.G. 1948 :La Esperanto-Movado. Ĝia Historio, Organizo kaj Nuna Stato, Esperantoforlaget, Oslo, 61 p.
- Støp-Bowitz, Carl 1996 : La Esperanto-Movado. Historio, Organizo. Amplekso, (2-a eldono), Esperantoforlaget, Oslo, 94 p. ISBN 82-90006-10-1
Vidu ankaŭ[redakti | redakti fonton]
Bibliografio[redakti | redakti fonton]
- Kavka, Josef (1983). Carl Støp-Bowitz: 70. En: Scienca Revuo 34-a jaro 1983, n-ro 2-3 (144-145), p. 87-101
Eksteraj ligiloj[redakti | redakti fonton]
- Libroj kaj aliaj dokumentoj[rompita ligilo] de kaj pri Carl Støp-Bowitz en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
- Artikoloj de kaj pri Carl Støp-Bowitz en Elektronika Bibliografio de Esperantaj Artikoloj (EBEA) (serĉu je "bowitz")
