Carlos Ghosn
| Carlos Ghosn | |
|---|---|
| |
| Persona informo | |
| Naskiĝo | 9-an de marto 1954 (70-jaraĝa) en Porto Velho |
| Lingvoj | araba • portugala • japana • angla • franca |
| Loĝloko | Bejruto |
| Ŝtataneco | Libano • Francio • Brazilo |
| Alma mater | Collège Notre Dame de Jamhour • Collège Stanislas • Lycée Saint-Louis • Franca Politeknika Lernejo • École nationale supérieure des mines de Paris |
| Familio | |
| Edz(in)o | Carole Ghosn |
| Infanoj | Caroline Ghosn • Anthony Ghosn |
| Okupo | |
| Okupo | komerca estro • verkisto • inĝeniero • entreprenisto |
| TTT | |
| Retejo | https://carlosghosn.info/ |
Carlos Ghosn (arabe كارلوس غصن) (naskiĝis la 9-an de marto 1954 en Porto Velho, Brazilo) estas franca entreprenisto de libana deveno, eksa prezidanto kaj ĝenerala direktoro de Renault kaj Nissan; estro de la strategia alianco Renault-Nissan-Mitsubishi. Li akiris famon post la restarigo el severa krizo de Nissan.
Biografio[redakti | redakti fonton]
Laŭ deveno li estas libana kristano. En 1974 li studentiĝis ĉe la Fakultato pri ĥemio de la Politeknika Lernejo (Parizo), kaj en 1978 ĉe École nationale supérieure des mines de Parizo.
Ekde 1978, li laboris ĉe Michelin, estris la brazilan kaj nordamerikan sekciojn de la kompanio, kaj oficis kiel ĝenerala direktoro por produktado de pasaĝeraŭtaj pneŭoj kaj pneŭoj por malpezaj kamionoj. Ekde decembro 1996 li estis administra vicprezidanto de Renault. En junio 1999, transdonita al Nissan kiel Direktoro de Produktado, li tiam fariĝis Prezidanto de la kompanio (junio 2000) kaj ĝenerala direktoro (junio 2001). Dum sia restado ĉe Nissan, li ricevis la kromnomon "Cost Killer", ĉar la programo, kiun li efektivigis por draste redukti kostojn, permesis al la kompanio eliri el profunda krizo. Ekde la 29-a de aprilo 2005, li ankaŭ oficis kiel prezidanto kaj ĝenerala direktoro de Renault.
Ekde la 28-a de junio 2012 li estis vicprezidanto de la estraro de AvtoVAZ.
En 2013-2016, li estis Prezidanto de la Estraro de Administracio de AvtoVAZ, poste li cedis ĉi tiun postenon al Sergej Skvorcov, la supera direktoro de Rosteĥ.
Carlos Ghosn dum la periodo de marto 2011 ĝis 2012 gajnis 12,5 milionojn da dolaroj kaj fariĝis la plej alta pagita direktoro en Japanio. Samtempe, la enspezo de Ghosn por labori kiel estro de Renault en Francio sumiĝis al 9 milionoj da eŭroj.
Aresto[redakti | redakti fonton]
La 19-an de novembro 2018, japanaj kaj mondaj novaĵaj komunikiloj raportis, ke Carlos Ghosn propravole aliris la oficejon de la prokuroro de Tokio kaj estis arestita. Samtempe Nissan Motor Co. publikigis gazetaran komunikon enhavantan informon pri la longtempa subtaksado de informoj pri enspezoj prezentitaj al la borso, troo kaj kaŝado de enspezoj de administrado, kaj ankaŭ pri la uzo de la valoraĵoj de la kompanio fare de la ĉefaj estraranoj por personaj celoj. La ĉefaj kulpuloj de la perfortaĵoj nomiĝis Carlos Ghosn kaj Direktoro Greg Kelly. La kompanio diris, ke la estraro estos demandita pri la maldungo de Ghosn, kaj la kompanio ankaŭ pardonpetis al la akciuloj. Ĉio ĉi kaŭzis falon de la akcioj de la kompanio je 12%. Renault la 24-an de januaro 2019 ankaŭ forigis Ghosn el la administrado.
La 6-an de marto 2019, Carlos Ghosn estis liberigita el prizono de Tokio kontraŭ garantio de 1 miliardo da enoj (ĉirkaŭ 9 milionoj da dolaroj).
La 8-an de aprilo 2019, Carlos Ghosn estis forpelita el la estraro de Nissan.
La 30-an de decembro 2019, Carlos Ghosn estis sekrete forprenita el Japanio en kesto de muzika instrumento kaj, per privata aviadilo, preterpasante landlimajn kaj doganajn procedojn, estis transportita tra Istanbulo al Libano, kie li uzis sian francan pasporton, malobservante la kondiĉojn de hejma aresto (unu el liaj japanaj advokatoj diris al la gazetaro, ke ĉiuj pasportoj de la direktoro - libana, franca kaj brazila - estis konstante gardataj de la defendantoj de Ghosn). La 31-an de decembro 2019, Ghosn publikigis mallongan gazetaran artikolon enhavanta jenajn deklarojn:
| “ | Mi nun estas en Libano kaj ne plu restos ostaĝo de rigida japana justicosistemo, kie oni supozas kulpon, diskriminacio estas akra, kaj bazaj homaj rajtoj estas forpuŝitaj. Mi ne fuĝis justecon - mi evitis maljustecon kaj politikan persekutadon. Mi nun povas finfine komuniki libere kun la amaskomunikiloj, kaj antaŭĝojas komenci la venontan semajnon. | ” |
La 2-an de januaro 2020 Interpol eligis internacian ordonon pri aresto de Ghosn.
Eksteraj ligiloj[redakti | redakti fonton]
Fonto[redakti | redakti fonton]
En tiu ĉi artikolo estas uzita traduko de teksto el la artikolo Гон, Карлос en la rusa Vikipedio.
- Naskiĝintoj en 1954
- Vivantaj homoj
- Viroj
- Naskiĝintoj la 9-an de marto
- Francaj entreprenistoj
- Homoj de Renault
- Homoj de Nissan
- Honordoktoroj de la universitato Waseda
- Kavaliroj de la Honora Legio
- Grandaj Krucoj de la Ordeno de Izabela la Katolikino
- Lernintoj de kolegio Stanislas de Parizo
- Brazildevenaj francoj
- Libandevenaj francoj
- Libandevenaj brazilanoj
- Brazilaj maronitoj