Dahŝuro

El Vikipedio, la libera enciklopedio
Salti al navigilo Salti al serĉilo
La Ruĝa Piramido en Dahŝuro

Dahŝuro (arabe: دهشور) estas egipta loĝloko situanta je 40 kilometroj sude de Kairo, konata precipe pro la vasta reĝa nekropolo kiu troviĝas en la dezerto, en la okcidenta bordo de Nilo, kaj pluraj piramidoj, du el ili estas la plej antikvaj, grandaj kaj bone konservataj en Egiptio.

La Kurba Piramido kaj la Ruĝa Piramido estis konstruitaj dum epoko de la faraono de la malnova imperio de Egiptio Snofru, la patro de Ĥufu. La origina formo de la Kurba Piramido estas eksterordinara kaj reprezentas piramidan formon en transiro, dum la Ruĝa Piramido estas la unua "klasika" piramido aŭ triangulaj piramidoj de la mondo.

Dahŝuro estis la reĝa nekropolo de Egiptio dum la regado de Amenemhat la 2-a, reĝo el la dekdua egipta dinastio. La piramido de Amenemhat la 2-a estas iom damaĝita, sed en ĝiaj ĉirkaŭoj estis eltrovitaj pluraj tomboj, ne disrabitaj, de reĝaj damoj, ankoraŭ enhavante multajn juvelojn.

En 1979, la ensemblo de Memfiso kun la nekropoloj kaj piramidoj (Gizo, Abusir, Sakkara kaj Dahŝur) estis deklaritaj Monda heredaĵo de Unesko.