David Galadí-Enríquez

El Vikipedio, la libera enciklopedio
Saltu al: navigado, serĉo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

David Galadí-Enríquez (naskiĝis en 1969 en Kordovo, Hispanio, estas hispana astronomo kaj esperantisto. Li laboras en la german-hispana astronomia centro Calar Alto en la hispania provinco Almería. En Esperanto publikiĝis, kunaŭtore kun Amri Wandel, lia libro La Kosmo kaj Ni, baza lernolibro pri astronomio, eldonita de Flandra Esperanto-Ligo en unua eldono 2001 kaj dua eldono 2005, kiu gajnis la premion Pirlot.

Vivo[redakti | redakti fonton]

Ekde juna aĝo David Galadí-Enríquez estis amatora astronomo kaj aktiva observanto de la ĉielo. Li studis fizikon en la universitatoj de Granado kaj Barcelono, kaj en la lasta doktoriĝis pri astrofiziko en 1998. Poste li laboris kiel altlerneja instruisto en rango de profesoro ĉe la Universitato de Barcelono, kaj kiel esploristo en la Centro de Astrobiologio (CSIC-INTA) kaj la Instituto de Astrofiziko de Andaluzio (CSIC).

Nuntempe li laboras kiel teknikista astronomo kaj respondeculo pri publikaj rilatoj ĉe la german-hispana Astronomia Centro kaj Observatorio Calar Alto. Krom la esperantlingvan verkon menciitan supre, li kunaŭtoris universitatan lernolibron pri astronomio por unuaj fizikaj kursoj en la kastilia kaj kataluna ("Astronomía fundamental" respektive "Astronomia fonamental", eldonejo Servei de Publicacions de la Universitat de València, Universitato de Valencio) kaj estas aŭtoro aŭ kunaŭtoro de kelkaj pliaj popularaj libroj pri astronomio de malsamaj temoj kaj niveloj.

Referencoj[redakti | redakti fonton]