Edward Teller

El Vikipedio, la libera enciklopedio
Salti al navigilo Salti al serĉilo
Edward Teller
EdwardTeller1958.jpg
Persona informo
Naskiĝo 15-an de januaro 1908 (1908-01-15)
en Budapeŝto
Morto 9-an de septembro 2003 (2003-09-09) (95-jara)
en Stanford, Kalifornio
Lingvoj hungara lingvoangla lingvo
Loĝloko Usono
Ŝtataneco HungarioUsonoAŭstrio-Hungario
Alma mater Universitato de LepsikoUniversitato de Göttingen
Subskribo Edward Teller
Familio
Edz(in)o Augusta H. Teller
Profesio
Profesio nuclear scientist • verkisto de nefikcio • universitata profesoro • teoria fizikisto • inventisto
v  d  r
Information icon.svg

Edward TELLER, origine: TELLER Ede (naskiĝis la 15-an de januaro, 1908, mortis la 9-an de septembro, 2003) estis usona fizikisto hungar-devena. Li estas rigardata kiel la inventinto de la hidrogena bombo.

Naskiĝinte en Budapeŝto, li forlasis Hungarion en la jaro 1926, por studi en Germanio. En 1930 li doktoriĝis ĉe Werner Heisenberg en la universitato de Leipzig. Poste li laboris du jarojn en Göttingen kaj unu jaron ĉe Niels Bohr en Kopenhago.

Kiam la nazioj ekregis en Germanio, li elmigris unue al Britio, poste al Usono. En 1941 li fariĝis usona civitano. En la jaro 1942 li ekpartoprenis la Manhattan Project, kies celo estis la konstruo de atombombo. Ekde 1949 li pli kaj pli koncentriĝis al la kreo de hidrogena bombo, ĉar ĝia efiko estus pli granda. Kun grupo da sciencistoj li kreis la teoriajn bazojn kaj li esence kunlaboris en la konstruado. Krome li instruis en diversaj usonaj universitatoj, ekz. en Novjorko (1941-42), Ĉikago (1946-52) kaj en Berkeley (1953-75).

Dum sia tuta vivo li engaĝiĝis por la evoluigo de atomarmiloj. Prognozoj pri katastrofe finiĝanta atommilito laŭ li estis "stultaĵoj". En la 1970-aj jaroj li postulis la enkondukon de neŭtronaj armiloj kaj li forte aplaŭdis la SDI-projekton de Ronald Reagan.

En la jaro 2002 Edward Teller publikigis siajn memorojn. Li mortis en 2003 en Stanford, Kalifornio.

Li iĝis honora membro de Hungara Scienca Akademio en 1990.