Ekosocialismo

El Vikipedio, la libera enciklopedio
Salti al navigilo Salti al serĉilo

Ekologia socialismoekosocialismo, verda socialismo, aŭ socialisma ekologio estas politika ideologio, kiu ligas la tradiciajn celojn de la laborista movado kaj la naturprotektisman movadon. Ĝi estas ideologia kunfandiĝo de verda politiko, ekologio kaj alimondismo. Kontraste al la kutima ideologio de verdaj partioj, kiu plej ofte havas socialliberalisman mondpercepton kaj ne profunde kritikas la merkatekonomion, ekosocialismo baziĝas sur kritiko de kapitalismo kaj batalo por socialismo. Laŭ ekosocialismo kapitalismo estas la ĉefa kaŭzo de la ekologiaj problemoj, kaj harmonia vivo kun la naturo eblas nur per kompleta forigo de kapitalismo, kunposedo de la produktadrimedoj, kaj riparo kaj starigo de komunejoj.

Ekosocialistoj estas minoritato en diversaj socialismaj, socialdemokrataj kaj komunismaj partioj, kvankam ĝenerale la rekono de la ekologiaj problemoj kreskas tutmonde. En kelkaj landoj ekzistas specialaj ekosocialismaj partioj aŭ grupoj, kiuj estas sendependaj de granda partioj.

Ekosocialismo baziĝas sur elementoj de la laborista movado, ekzemple la naturamika movado, kiu komencis antaŭ pli ol 100 jaroj malkovri kaj savi la naturan belecon.

Partioj kaj grupoj[redakti | redakti fonton]

Eŭropo[redakti | redakti fonton]

En la Eŭropa Parlamento ekzistas du frakcioj kun ekosocialistaj partioj aŭ partioj kun grava ekosocialistaro, nome la ekologiema Frakcio de la Verduloj kaj Eŭropa Libera Alianco kaj la socialismema Konfederacia Frakcio de la Unuiĝintaj Eŭropaj Maldekstruloj.

Germanio[redakti | redakti fonton]

Ene de la partio Alianco '90/La Verduloj ekzistis la grupo Ökosozialisten, kiu akiris post la retiriĝo de la dekstraj tendencoj en la jaro 1980 decidan rolon. Ĝia reprezentanto Rainer Trampert estis estrarano ekde 1982 kaj prezidanto en 1987. Poste la anoj de la grupo retiriĝis, iris al aliaj partioj, nome la Maldekstra Partio (PDS) aŭ fondis aliajn projektojn. Kialo estas la plifortigo de tiel nomata Realo-alo en la partio, reprezentata de la post federacia ministro Joseph Fischer, kiuj perfidis la bazajn ideojn de la verda movado, subtenis la partoprenon en militoj kontraste al la pacifisma fundamento kaj toleris kompromisojn en bazaj politikaj agokampoj, ekzemple atomenergio (jardeka garantio de funkcio anstataŭ tuja malŝalto).

En la nuna partio Die Linke estas subgrupo kun la nomo Ökologische Plattform (Ekologia platformo), kiu estis aktiva en la antaŭa partio PDS. Ĝi estis fondita de personoj, kiuj estis aktivaj en la ekologia movado de Germana Demokratia Respubliko (GBR), ĉu en grupoj de la eklezio, ĉu en naturprotektaj grupoj de Kulturligo de GBR. Ĝi havas bultenon "Tarantel", kiu aperas sur papero kaj estas videbla en la reto.

Vidu ankaŭ[redakti | redakti fonton]

Eksteraj ligiloj[redakti | redakti fonton]