Georgo Helto

El Vikipedio, la libera enciklopedio
(Alidirektita el Georg Helt)
Salti al navigilo Salti al serĉilo
Georgius Heltius
Persona informo
Naskiĝo 1485
en Forchheim, proksime de Bamberg, Flago-de-Germanio.svg Germanio
Morto 6-a de marto 1545
en Dessau, Flago-de-Germanio.svg Germanio
Religio protestantismo [#]
Lingvoj germana lingvo [#]
Ŝtataneco Germanio [#]
Alma mater Universitato de Lepsiko
Profesio
Profesio teologo • universitata profesoro [#]
[#] Fonto: Vikidatumoj
Information icon.svg
vdr

Georg HELT (* Forchheim, proksime de Bamberg, en la 1485 - Dessau, en la 6-a de marto 1545) estis germana humanisto, filologo, reformisto, teologo kaj profesoro de Joachim Camerarius, la Maljuna en la Universitato de Lepsiko.

Li studis antikvajn lingvojn kaj estis amiko de Jakobo Micyllus (1503-1558)[1] en la Lernejo de Sankta Ludgero de Johannes Murmellius (1480-1517)[2], en Münster. En 1501, li enmatrikuliĝis en la Universitato de Lepsiko, kaj en 1502 li diplomiĝis kiel Bakalaŭro, kaj en 1505 li ricevis sian diplomon pri Magistreco je Liberalaj Artoj. Inter liaj lernantoj troviĝis Joachim Camerarius, la Maljuna, Sebastian Fröschel (1497-1570)[3] kaj Caspar Cruciger la malplijuna (1504-1548)[4]. Li estis rigora profesoro, sukcedanto de Jakob Henrichmann (1482-1561)[5] en la Universitato de Tubingeno, kaj devigis sian lernantaron ĉiutage parkeri leteron de Cicerono.

Helt translokiĝis el Lepsiko al Anhalt, kie li estis la unua instruisto de Joachim Ernst, princo de Anhalt (1536-1586)[6] kaj Georgo la 3-a, princo de Anhalt-Plötzkau (1507-1553)[7]. Li oficis ankaŭ kiel librobindisto de la princo Georgo la 3-a. Li eniris en la frataron de la Minoraj ordinoj kie li restis ĝis sia morto.

Georgius Heltius estis okulatestanto de la Disputo en Lepsiko[8] inter Marteno Lutero kaj Johannes Eck. En 1532 li enmatrikuliĝis en la Universitato de Wittenberg kaj estis ankaŭ rektoro en Anhalt-Dessau. En 1537, li estis unu el la 43 subskribintoj de la docukmento "Tractatus de potestate papae"[9] kreita de Melanktono.

Literaturo[redakti | redakti fonton]

Vidu ankaŭ[redakti | redakti fonton]

Referencoj[redakti | redakti fonton]

  1. 1,0 1,1 Personensuche
  2. 2,0 2,1 Personensuche
  3. 3,0 3,1 Personensuche
  4. 4,0 4,1 Personensuche
  5. CERL Thesaurus
  6. 6,0 6,1 Personensuche
  7. 7,0 7,1 Personensuche
  8. La Disputo de Lepsiko okazis inter junio kaj julio 1519, kie oni varme diskutis la aferon pri la purgatorio, la vendado de indulgencoj, kaj la legitimeco de la papa aŭtoriteco.
  9. Traktato pri la papa povo kaj aŭtoriteco - História do povo luterano, Martin Norberto Dreher.