Gesellschaft für Interlinguistik

El Vikipedio, la libera enciklopedio
Salti al navigilo Salti al serĉilo

Gesellschaft für Interlinguistik e.V. (GIL), esperantlingve Societo pri Interlingvistiko estas scienca asocio, kiu traktas diversajn aspektojn de internacia komunikado. Ĉi tiuj inkluzivas demandojn en la kampoj de lingvopolitiko, lingvistiko, ekonomiko, kulturaj sciencoj, historio de planlingvoj, interlingvistiko kaj esperantolgio, juroscienco kaj informa teknologio.

Detlev Blanke - faklibro pri interlingvistiko kaj esperantologio.

GIL estas germana lingvoscienca, komunutila societo fondita en 1991 en Berlino (Germanio)[1].

Ĝia prezidanto ekde 2011 estas la anglistino Sabine Fiedler.

Honora prezidanto estis, ĝis sia morto en 2016, la interlingvisto kaj esperantologo Detlev Blanke.

Inter ĝiaj membroj troviĝas ĉefe lingvistoj[2].

Scienca agado[redakti | redakti fonton]

La Societo ĉiujare okazigas simpozion, parte kunlabore kun aliaj lingvosciencaj societoj kaj tiurilate eldonas simpoziajn kajerojn ('Tagungsakten')[3].

Ĝis 2016 (lasta eldono estis n-ro 100) ĝi eldonis kvaronjare la fakan periodaĵon Interlinguistische Informationen (Interlingvistikaj informoj) kaj unufoje jare grandan Beiheft (kromkajero), kiu entenas la kontribuaĵojn de la simpozioj. Post la morto de ĝia redaktoro, Detlev Blanke, ne plu eblis daŭrigi la eldonon de la periodaĵo, sed kiel anstataŭilo plufunkcias nun IntBlog, interlingvistika blogo en la germana lingvo.

GIL ofertas stud-retejon kaj subtenas studentojn, kiuj universitat-nivele okupiĝas pri planlingvoj.

Temoj de la simpozioj[redakti | redakti fonton]

  • 1995: "Übersetzen in Plansprachen" (Tradukado en planlingvoj)
  • 1996: "Terminologiewissenschaftliche Aspekte der Interlinguistik" (Terminologi-sciencaj aspektoj de interlingvistiko)
  • 1997: "Eine Sprache für die Wissenschaft?" (Ĉu lingvo por la scienco?)
  • 1998: "Soziokulturelle Aspekte von Plansprachen" (Soci-kulturaj aspektoj de planlingvoj)
  • 1999: "Interlingustik und Lexikographie" (Interlingvistiko kaj leksikografio)
  • 2000: "Sprachenpolitik in Europa" (Lingvopolitiko en Eŭropo)
  • 2001: "Zur Struktur von Plansprachen" (Pri la strukturo de planlingvoj)
  • 2002: "Plansprachen und ihre Gemeinschaften“ (Planlingvoj kaj ĝiaj komunumoj)
  • 2003: "Plansprachen und elektronische Medien" (Planlingvoj kaj elektronikaj amaskomunikiloj)
  • 2004: "Terminologiewissenschaft und Plansprachen" (Scienca terminologio kaj planlingvoj)
  • 2005: "Spracherfindung – Sprachplanung – Plansprachen“ (Lingvokreado – lingvoplanado – planlingvoj)
  • 2006: "Internationale Plansprachen – Entwicklung und Vergleich“ (Internaciaj planlingvoj – evoluo kaj komparo)
  • 2007: "Sprachenpolitik und Sprachkultur" (Lingvopolitiko kaj lingvokulturo)
  • 2008: "Esperanto heute – Wie aus einem Projekt eine Sprache wurde“ (Esperanto nuntempe – kiel el projekto estiĝis lingvo)
  • 2009: "Die Rolle von Persönlichkeiten in der Geschichte von Plansprachen" (La rolo de personecoj en la historio de planlingvoj)
  • 2010: "Spracherfindung und ihre Ziele" (Lingva invento kaj ĝiaj celoj)
  • 2011: "Fachkommunikation – interlinguistische Aspekte" (Faka komunikado - interlingvistikaj aspektoj)
  • 2012: "Plansprachen – ideengeschichtliche Aspekte" (Planlingvoj - ideo'historiaj aspektoj)
  • 2013: "Interlinguistik im 21. Jahrhundert" (Interlingvistiko en la 21-a jarcento)
  • 2014: "Die Plansprachenbewegung rund um den Ersten Weltkrieg" (La planlingva movado ĉirkaŭ la unua mondmilito)
  • 2015: "Plansprachen - Aspekte ihrer praktischen Anwendung" (Planlingvoj - aspektoj pri ilia praktika uzo)
  • 2016: "Migration und Sprache" (Migrado kaj lingvo)
  • 2017: "Mehrsprachigkeit in Europa" (Plurlingveco en Eŭropo)
  • 2018: "Sprache und Globalisierung" (Lingvo kaj tutmondiĝo)
  • 2019: "Internationale Sprachen und internationale Konflikte"[4] (Internaciaj lingvoj kaj internaciaj konfliktoj)

Bibliografio[redakti | redakti fonton]

Sur la retejo de GIL troviĝas sistema elektita bibliografio pri interlingvistiko, planlingvoj kaj esperantologio. Ĝiaj ĝisdatigoj estas publikigitaj en Interlinguistische Informationen.

Anglalingva artikolo "Interlinguistics and Esperanto studies – Paths to the scholarly literature" simile enkondukas en la baza scienca literaturo pri la nomitaj temoj.

Vidu ankaŭ[redakti | redakti fonton]

Esperantic Studies Foundation

Eksteraj ligiloj[redakti | redakti fonton]

Oficiala retejo de Gesellschaft für Interlinguistik (en la germana kaj parte en la angla)

(germana) IntBlog

Noto kaj referencoj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Tiu ĉi artikolo estas parta traduko de la artikolo Gesellschaft für Interlinguistik, listo de aŭtoroj.

  1. (gerane) Gründung GIL, Interlinguistische Informationen 1/92, paĝo 1.
  2. (germana) Über uns (pri ni), GIL, 2012
  3. (germana) Tagungsakten, GIL
  4. (germana) Knapptexte zu angemeldeten Vorträgen, GIL, 2019