Hejmo de Anne Frank

El Vikipedio, la libera enciklopedio
Jump to navigation Jump to search
Vizitontoj laŭvice.
La libroŝranko kiu kaŝis la enirejon de la postdomo.

La Hejmo de Anne Frank (nederlande Anne Frank Huis) estas hejmo de verkisto kaj biografia muzeo dediĉita al juda militepoka taglibristino Anne Frank. La konstruaĵo estas situanta ĉe kanalo nome Prinsengracht, ĉe Westerkerk, en centra Amsterdamo en Nederlando.

Dum la Dua Mondmilito, Anne Frank kaŝiĝis el Nazia persekutado kun sia familio kaj aliaj kvar personoj en kaŝitaj ĉambroj ĉe la malantaŭo de 17a-jarcenta ĉekanala domo, konata kiel Sekreta Apudaĵo aŭ Postdomo (nederlande Achterhuis). Anne Frank ne survivis la militon, sed en 1947 ŝia militepoka taglibro estis publikigita. En 1957, la Fondaĵo Anne Frank estis establita por protekti la posedaĵon el disvolvigantoj kiuj deziris detrui la domblokon.

La muzeo malfermiĝis la 3an de Majo 1960. Ĝi konservas la kaŝejon, havas konstantan ekspozicion pri la vivo kaj epoko de Anne Frank, kaj havas ekspoziciejon pri ĉiaj formoj de persekutado kaj diskriminacio. En 2013 kaj 2014, la muzeo havis 1.2 milionojn da vizitantoj kaj estis la 3a plej vizitata muzeo en Nederlando, post la Rijksmuseum kaj la Muzeo Van Gogh.

Vidu ankaŭ[redakti | redakti fonton]

Eksteraj ligiloj[redakti | redakti fonton]