Jean-Luc Mélenchon

El Vikipedio, la libera enciklopedio
Salti al navigilo Salti al serĉilo
Jean-Luc Mélenchon en 2012

Jean-Luc Mélenchon (naskiĝis la 19-an de aŭgusto 1951 en Tanĝero (Maroko)) estas franca maldekstra politikisto.

Ano de la Socialista Partio de 1976, li laŭvice estis elektata kiel municipa konsiliano de Massy (Masi) en 1983, departementa konsiliano de Essonne en 1985 kaj senatano de tiu departemento en 1986. Li estis ministro deligita pri metia instruado en la registaro de Lionel Jospin inter 2000 kaj 2002. Li estis elektata kiel eŭropdeputito en 2009 kaj reelektita en 2014.

Li estis ano de maldekstra frakcio de la Socialista Partio ĝis la kongreso de Reims en 2008, post ĉi tiu li deiris de la Socialista Partio kaj fondis la Partion de Maldekstro kiun li prezidis ĝis 2014. En 2016, li iniciatis novan movadon por la venonta prezidanta baloto : La France Insoumise (La Nesubmetata Francio).

Li kandidatiĝis okaze de la Prezidanta baloto de 2012 en Francio. Li finis kvaran, kunigante 11,10% de la nesindetenaj voĉdonoj (3 984 822 voĉdonoj). Dum la kampanjo, li subskribis petskribon por ebligi esperanton kiel nedeviga lingvo por la abiturienta ekzameno[1].

Li kandidatiĝis okaze de la Prezidanta baloto de 2017 en Francio. Li finis kvaran, kunigante 19,58% de la nesindetenaj voĉdonoj (7 060 885 voĉdonoj).

Referencoj[redakti | redakti fonton]

  1. Listo de subskribintoj: http://www.esperanto-au-bac.fr/spip.php?page=signataires