Jiří Voskovec

Jiří Voskovec
Persona informo
Naskonomo	Jiří Wachsmann
Naskiĝo	19-an de junio 1905 (1905-06-19) en Sázava
Morto	1-an de julio 1981 (1981-07-01) (76-jaraĝa) en Pearblossom
Mortis per	kardivaskulsistema malsano vd
Tombo	tombejoj de Olšany vd
Lingvoj	angla • ĉeĥa vd
Ŝtataneco	Ĉeĥoslovakio • Usono • Aŭstrio-Hungario vd
Alma mater	jura fakultato de la Universitato de Karolo • Filozofia Fakultato de la Universitato de Karolo vd
Subskribo
Familio
Patro	Václav Voskovec vd
Patrino	Jiřina Voskovcová vd
Gefratoj	Prokop Voskovec vd
Parencoj	Soběslav Pinkas • Alois Wachsman • Bedřich Wachsmann vd
Profesio
Okupo	komikisto • kantisto • dramaturgo • filmreĝisoro • tradukisto • verkisto • teatra aktoro • filmaktoro • poeto • aktoro • reĝisoro • redaktoro • vidartisto • scenaristo vd
Honorigoj Honorigoj Medalo de Merito de Ĉeĥio vd
vd	Fonto: Vikidatumoj

Jiří "George" Voskovec

Jiří VOSKOVEC (la 19-a de junio 1905 - la 1-a de julio 1981) (propranome Jiří WACHSMAN) (en Usono konata kiel George Voskovec) estis ĉeĥa aktoro, kiu kun Jan Werich kreis klaŭnan duopon, similan al Stan Laurel kaj Oliver Hardy (Werich dikulo, Voskovec sveltulo). Inter la du mondmilitoj ili kreis en Prago la t.n. Liberigitan Teatron, en kiu ili ludis politike engaĝitajn komediojn, kiujn kutime ili mem ankaŭ verkis kaj kiuj nun estas konsiderataj klasikaĵo de la ĉeĥa literaturo. Kelkaj el la komedioj estis filmigitaj kaj ĝis nun prezentataj en la ĉeĥa televido kiel klasikaĵoj. En ilia ensemblo rolis ankaŭ aliaj eminentaj ĉeĥaj aktoroj, ekz. Vladimír Šmeral, Bohuš Záhorský, František Filipovský k.a. La muzikon por iliaj kantoj komponis duonblinda esperantisto Jaroslav Ježek.

Ĉar iliaj komedioj estis kontraŭfaŝismaj, ili devis post la okupacio en 1939 fuĝi al Usono, de kie revenis nur Jan Werich. Jiří Voskovec restis en Usono kaj rolis en pluraj usonaj filmoj sub la nomo Georgo Voskovec (ekz. La dek du koleraj viroj kun Henry Fonda).

Dramoj de Werich kaj Voskovec

• Osel a stín (Azeno kaj ombro)
• Kat a blázen (Ekzekutisto kaj frenezulo)
• Balada z hadrů (Balado el ĉifonoj)
• Těžká Barbora (Peza Barbora)
• Pěst na oko aneb Caesarovo finále (Pugno kontraŭ okulon aŭ la finalo de Cezaro)
• Vest Pocket Revue (Vest Pocket Revue)
• Robin Zbojník (Robin la Rabisto)
• Caesar (Cezaro)
• Svět za mřížemi (La mondo post la kradoj)
• Rub a líc (Reverso kaj averso)
• Fata morgána (Fatamorgano)
• Ostrov Dynamit (Insulo Dinamito)
• Don Juan & comp. (Donjuano & komp.)
• Golem (Golemo)
• Nebe na zemi (Ĉielo sur la tero)

Filmoj de Werich kaj Voskovec

• Pudr a benzín (Pudro kaj benzino, 1931)
• Peníze nebo život (Monon aŭ la vivon, 1932)
• Hej rup! (Ho ruk!, 1934)
• Svět patří nám (La mondo apartenas al ni, 1937)

Filmoj de Voskovec en Usono

• Dekdu koleraj viroj (ĉefrolis Henry Fonda)
• La murdisto de Boston (ĉefrolis Tony Curtis)

Libro de Voskovec

• Klobouk v křoví (Ĉapelo en vepro)

Post la morto li estis transportita al Prago kaj entombigita komune kun Werich.

Eksteraj ligiloj

• Jiří Voskovec ĉe Interreta filma datumbazo (angle)