John Kasich

El Vikipedio, la libera enciklopedio
Salti al navigilo Salti al serĉilo
Oficiala portreto de Ohiestro John Kasich, 2011

John Richard Kasich (prononcu "Kejsik"; naskita la 13-an de majo 1952)[1] estas usona politikisto. Nun li estras la registaron de la usona subŝtato Ohio, kaj kandidatas por la respublikana nomumo konkurencante por prezidentiĝi en 2016.[2] Li anoncis sian kandidatiĝon la 21-an de julio 2015[3][4], sed malaktivigis la kampanjon la 4-an de majo 2016.[5]

Kasich servis naŭ elektoperiodojn en la usona Domo de Reprezentantoj, reprezentante la 21-an distrikton de Ohio, de 1983-2001.[6] Dum ses jaroj li prezidis la buĝetan komitaton de la Domo.

De 2001 ĝis 2007 li estis komentisto ĉe la televida kanalo Fox News, prezentante propran gastigprogramon sub la titolo Heartland with John Kasich. Li laboris ankaŭ kiel investa bankisto, estrante la oficejon de Lehman Brothers en Columbus (Ohio).[7][8]

En 2010 Kasich kandidatis por la subŝtatestra posteno, kaj venkis kiel respublikana kandidato super la demokrato Ted Strickland, 49% kontraŭ 47%.[9] En 2014 li reelektiĝis kun furora sukceso, 64% kontraŭ 33% por la demokrata Ed FitzGerald, kantonestro de Kantono Cuyahoga (Ohio).

Fontoj[redakti | redakti fonton]

  1. biografio ĉe John R. Kasich Congressional Collection, Westervillelibrary.org angle
  2. [http://www.governor.ohio.gov/About/GovernorKasich.aspx biografio ĉe la oficiala Ohia retejo angle
  3. [http://www.nytimes.com/2015/07/22/us/politics/john-kasich-election-2016-presidential-race.html?hp&action=click&pgtype=Homepage&module=photo-spot-region&region=top-news&WT.nav=top-news&_r=0 Sheryl Gay Stolberg, "John Kasich Enters Crowded 2016 Race Facing Job of Catch-Up", The New York Times, 2015-07-21 angle
  4. Jonathan Easley, "Kasich makes quick rise in polls", The Hill, 2015-08-02 angle
  5. Kaplan, Thomas (May 4, 2016). "John Kasich Drops Out of Presidential Race". The New York Times.
  6. Biographical Directory of the United States Congress, KASICH, John Richard, Biographical Information angle
  7. [http://abcnews.go.com/Politics/2010-election-wall-street-factor-ohio-governors-race/story?id=10586618 "Lehman Brothers Collapse Haunts John Kasich in Ohio Governor's Race", ABC News 2010-05-12 angle
  8. [http://www.daytondailynews.com/blogs/content/shared-gen/blogs/dayton/ohiopolitics/entries/2010/04/02/kasich_made_11_m_in_2008_no_go.html/ "Kasich made $1.1 M in 2008; no "golden parachute" from Lehman Bros, records show", William Hershey, Dayton Daily News, 2010-04-02 angle
  9. Oficialaj rezultoj angle